المشاركة الأصلية كتبت بواسطة بدر الدجى
طرح موفق يستحق النجوم الخمس ...
الأم مكانتها عظيمة مهما فعلنا لن نوفي بحقها
بصراحة بعض الابناء لايدركون مكانة الام ولايعلمون بأن الجنة تحت اقدام الامهات لذا يتهاونون عن كل شي
صارلي موقف في يوم من الأيام كنت طالعة اتجهز للسفر انا وأخواتي ولما خلصنا تجمعنا ف حديقة نتعشى ويا الشلة (صديقاتنا) من نفس البلاد
المهم خلصنا عشاء وسوالف وضحك وجذا وأمي واخواتي الثانيات كانو عند خالتي وهم راجعين صار عليهم حادث امي كانت تتصل فيني ع تلفون الدوام (وانا احطه ف سيارة م انزله) شوي وياني اتصال من ولد اختي يجول انتو وين وخبرته بالمكان جلتله ليش جال تعالي ماماتي وخالاتي صاير عليهم حادث ومصابين ...ماماتي كانت تتصل فيج وانتي م تردي... المهم اعتذرت من صديقاتي جلتلهم انا بطلع صار عندي ظرف ولازم نروح
اخواتي م فاهمين شو صاير ودموعي تنزل وبدون شعور اركض ع السيارة جلتلهم لحقوني بسرررعة وفالطريج صادفت اسعاف وصرخت جلت هاي ناقلة امي واخواتي عقب سألوني شو فيهم هم امي جلتلهم مسوين حادث للاسف وصلنا موقع الحادث وحصلت ولد اختي الثاني يجمع اغراضهم م سيارة جلتله وين امي جال نقلوها ف الاسعاف عندها اصابة وفقدت الوعي
الله يعلم كيف وصلت للمستشفى هذيك الليلة ... رجل الامن يجول ممنوع الدخول م سويتله سالفة فتحت الباب ورحت ادور عليهم وحصلت امي تنزف وبالفعل مغمى عليها بس م خليتها جعدت معها بالمشفى والصباح اتصلت الدوام اخذ اجازة كم يوم .. واخواتي اللي كانو معي خبرت ولد اختي يرجعهم البيت ..
ع فكرة انا مو اكبر وحدة ولا اصغر وحدة بس امي تركت الكل واتصلت فيني ... انا ماعندي اخوان وما امدح نفسي بس الحمدلله اذا امي وابوي يبون يروحون مكان او فيهم شي ألبي طلباتهم واذا كنت مداومة اجولهم انتظروني لحد م ارجع واروح اوصلهم
حفظ الله أمهاتنا وامهاتكم وأنالنا رضاهم.
رد مع اقتباس
