أمس حلمت حلم عجيب غريب رهيب
ولا افلام الانيميشن الي اتابعهن

الي يعرف يفسر يفيدنا
حلمت انا وزوجي على البحر وكان في باخرة تبغي تبحر
طلعنا فيها وفجأة وبنص البحر وقفت و الناس عطشت ..حد يغمى عليه وحد
يموت ومع انه البر مو بعيد وينشاف بس اليأس غالب على الناس
بعدين مرن سلاحف بالهبل وكانهن مسويات جسر وفجأة شفت سلحفاة كبيرة طايحة على ظهرها
ومنكسرة قوقعتها هم يقولوا ميته وانا اقول لا مب ميته بس القوقعه متشطفة
ومع انه كان في ماي فالسفينه بس الناس تموت من العطش
وقلتلهم ليش ما سوو نظام تحليه فالسفينه حال مثل هالحالات
بعدين شفت نفسي بيدي دبة ماي صغيرة وقمت ادور على الناس واعطي كل واحد جرعه بس
واقولهم هذا مو عشان ترتوون بس عشان ترطبون حلوقكم وتبلون ريقكم
وكانوا ينتعشون بعد مايشربون هالماي
لحد ما بقى فالدبة اخر جرعة وشربتها بعد ما سقيت الجميع


وبس
توقعون ال500,000 الف
قريبات مني؟؟