وجود الخدم في حياتنا

[حنااايا..الروح]

السلام عليكم
بجاوب الجزء الاول : هل يمكن الاستغناء عنهم ؟!
ايه اكيد يمكن بس لازم تتوافر شروط

اليك السيناريو المتكرر اللي البيت ماتكون فيه عامل
تصحى الام الصبح ، تجهز فطور، تجهز عيال، تجهز وتروح الدوام ، المرأة عاملة ترجع البيت س٣ ، وترجع تجهز غدا او تجهز نصه مسبقا من الليل ، واذ معها طفل رضيع لازم تهتم فيه وطبعا مابترتاح
، والعيال اللي ف المدارس يالا نكتب ونذاكر للمغرب ، والعشاء ووووو وبعدين تنيم العيال، شغل البيت المتراكم تنظيف، تغسيل ، كوي وتجهز لليوم اللي بعده
الزوج ي اما يكون ف الدوام ويرجع خميس وجمعه ، او انه موجود يوميا بس مايساعد والعيال طبعا مايساعدو

هي بتعيش عادي بس بلا روح .. مامعها وقت تلحق لنفسها اصلا وصحتها واعصابها تروح...

فيه قصص اكيد نجحت بدون عامله ما انكر هالشيء بس السيناريو اعلاه اكثر واحد يتكرر


ف مجتمعنا الذكوري في هذا الحل انه هي تقبل وهذي طبيعية المرأه تربي وتطبخ ووووو
او انه الزوجه تتعب وتصر ان يتوفر لها العامله

بس اذ تبو تمنعو العاملات وترتاحو منهن
لازم البيت مايكون ع الام بس
لازم الكل يتحمل مسؤوليك نفسه ، ترتيب، تنظيف ، محافظه ع الاغراض ، مذاكره وغيرها من الامور
ولازم الزوج يساعد ف كل شيء ،، ماهو عيب ولا انتقاص من رجولته الدا بس لازم تتوافر شروط

صح لسانك ياعسل
فعلا هذا السيناريو الموجود بكل بيت..وأغلب الأمهات العاملات
يشتكين من استهتار الأزواج وعدم المشاركة في تحمل المسؤلية
طيب اذا الام عاملة وتشارك في دخل الاسرة فمن الانصاف ان الزوج يتحمل مسؤليته كأب
ياخي محد طلب منك تغسل وتكنس لا..مع إنه مش عيب
لكن أضعف الايمان ذاكر لاولادك...نظف البقعة الي أنت جالس فيها
علق كنورتك..خف الفوضى الي انت فيها

مافي أم تحب أحد ثاني يشاركها حياتها ولو كانت عامله
بس للضرورة احكام..الام مب روبوت تقدر انها تدير كل شي بروحها
وجود الشغالة يخلي اغلب الأولاد يطلع إتكالي وغير جدير بتحمل المسؤلية

العاملة المنزلية ممكن الاستغناء عنها بتكاتف الاسرة ..وإذا كل واحد عرف دوره ونحمل دوره
اكيد نقدر نعيش بلا شغالة
نقدر ونقدر