المشاركة الأصلية كتبت بواسطة اموووره
موضوع جميل ومخوف
امممم انا معي وااايد قصص عاد بين فتره والثانيه بطل عليكم بقصه ههه
لما انا كنت بالصف 12 متعوده محب اذاكر الا لما الكل نايمين مابي اسمح حس اي حد عشان اقدر اركز
وابدي اذاكر من 11 باليل لين اخلص كل المواد يعني عالساعه 2 ونص او 3 الفجر
ومتعوده اذاكر بالصاله لاني لما اذاكر لازم امشي وأحفظ الدرس بصوت عالي شوي
الموهييييم
بعد فتره لاحظت حاجه
كل ما فتحت الكتاب عشان اذاكر حد يركض فالسطح صوب المكان اللي انا اذاكر فيه
وكل ما سكرته يتوقف الركيض
المشكله انه امبين انه اللي يركض ضخم لانه صوت الأقدام فالسطح وايد قوي
بس انا قلت يمكن اتوهم او شي
اليوم الثاني والثالث نفس الحاله
اليوم الرابع خليت اختي تنام بالصاله عشان احس انه حد معي وما أخاف
ولما فتحت الكتاب نفس الضجه بالسطح ولما سكرته توقف وأختي سمعت هالضجة
عاد من الخوف انا واختي نركض وكان في دريشه فالصاله مفتوحه بس لحسن الحظ فيها حديد
لما مرينا من جنب هذك الدريشه كأنه شي كان يبي يدش بقوه بس الحديد منعه واهتزت الدريشه بقوه
عاد هذاك الوقت لو حد ذبحنا مراح يحصل قطرة دم فينا
ومنها عاد لما اذاكر فغرفتي وبصوت واطي شوي
ضوابط المشاركة
رد مع اقتباس