* هل أنت انسان حساس ؟ إذا نعم هل حاولت التغلب على هذه الحساسيه ؟
تقريبا حساسة بس اعرف اتحكم في نفسي وفي الغالب اذا الشخص ما يهمني اسوي له طاف وانسى الموضوع
بس مرات افصل حسب المزاج لاني اعتبر مزاجية نبر 1
* ما رايك في الانسان الحساس ؟
على حسب في ناس حساسة بشكل حلو وفي ناس اووفر بزيادة
أي شخص ما يعرف يتحكم بنفسه ما احب ادخل في تفاصيله او اعرفه لاني احسه انسان مكشوف
وبالعادة الشخص المكشوف ما يسبب خطر لي ولا مالي خلق على الكآبة الموأفورة
* الانسان الحساس هل يستطيع التعايش مع الاشخاص الغير حساسين ؟
عادي جدا بس الي حساس بزيادة هذا عنده مشكلة نفسية يتابع استشاري راح يعطيه تمارين
عشان يفسر الأمور صح لان الحساسية أصلا مرتبطة بالتفكير يعني انت تتحسس من حركة
لانك تظنها مقصودة بس تطلع هذيك الحركة طبع في الشخص الي سواها او مجرد مزاح
بالمختصر الشخص الاووفر هو الي صعب يتعايش كله يظن نفسه مظلوم ع أساس هو محور الكون
* كيف يمكن التغلب على الحساسيه ؟
لازم تعدل من تفكيرك فسر كل الأمور بإيجابية ولصالحك مع مهارات تنفس واختلي بنفسك
وقول انا بتغير وراح اتغير ومع الوقت راح تؤمن بالفكرة وتتغير وتكون كويس او طبيعي اكثر
في النهاية انت ما تقدر تتخلص من الحساسية ذي بس تقدر تتحكم فيها وتقلل منها واشغل نفسك في أمور
ثانية غير تفسير حركات الأشخاص او اقوالهم نصيحة يعني وخليك قوي حتى لو كانت الدمعه
تزل بسرعة مسكيها لحد ما تكوني او تكون وحدك وطلع الي في قلبك ،،
واجمل حل روح لأقرب شخص لك قول كل الي يزعجك وكل الي في قلبك واحضنه بقوة وصيح في
حضنه واتحدى أي شخص يسوي كذا وما يتخلص من الحساسية المفرطة من تجارب كل ذا الكلام
لان اعتراف بالشيء الي يضايقك ومواجهته حل بيأثر كثير بشخصيتك واهم شيء لا تجمع الأشياء في قلبك
الي يضايقك واجهه وقوله
رد مع اقتباس
المشاركة الأصلية كتبت بواسطة Raba
