(ما يداري الحلال إلا راعيه)
كلنا نعي خطوره العمالة الوافدة ، إلي صارت سبب لمشاكل لا تعد ولا تحصى
لكن الاستغناء عن العمالة الوافده امر غير ممكن بتاتا
لو فكرنا فيها بمنطق مثلا
المزارع ، للناس الي عندهم مزرعه و مزرعتين و احيانا 3 ، الموضوع جدا صعب بالنسبه لهم
يعني مستحيل يقدر صاحب المزرعه يدبر امور المزارع بنفسه
بالتالي العمالة الوافده هي الحل الوحيد
طيب ليش؟
لأن العماني و بالمختصر ما يرضى يعمل بالمهن هذي
(عامل مزرعة ، عامل نظافة ، عمال البناء ... وغيره) كلها وظائف صعب تحصل عماني يقتنع انه يمتهنها
لكن لو شفنا الموضوع من ناحيه ثانيه
(مدير شركة ، صاحب محل ، موزع شركة معينه ... و غيره) وظائف يرضى الشخص العماني يمتهنها لكن فالواقع الوافد هو الي يعمل فيها
فالخطأ ما من الحكومة بس ، الخطأ من المواطن أحيانا