العنصرية'

[حافيه القدمين]

انا اكره العنصريه واحاربها لأني عانيت منها كثير . بسبب لوني هناك من وصفني بالنجس . بسبب لوني كبير في السن صافحني باليسرى . ربما . وبسبب لوني تهرب مني احدهم وهناك من عاملني باحتقار . رغم اني قبيلي بس فيني عرق افارقه سواحلي يعني . مستعد اني اتزوج وحده ما من ثوبي . شفت رؤيا اني بتزوج وحده ما من ثوبي او غيرها . إن شاء الله تتحقق .

كلنا عبيد الله
واذا ع كبار السن انا ما احرج عليهم
بس ما لدرجة انه يسلم باليسار
خير !
هذا هو اللي تعلموه من دينهم ؟!
بس لما هالتصرفات تطلع من الشباب احس انه عقلهم متحجر
والزمن متوقف عندهم
و المشكله انه اغلب العمانين ف مسألة الزواج يرجعو للاصل
لين سابع جد
وتطلع وحده من جداته من طرف امه فيها عرق ويقولو نحن ما نزوجه فيه عرق
انا بنت عمي خطبها واحد من قبيلتنا واهله من شيوخ القبيله بس عمي رفض لانه امه هندية
الولد ما ينعاب ولا فيه عيب
و الواحد لما يطلع ع هالدنيا ما هو اختار قبيلته
ما هو اختار اهله ولا نسبه
يعني شو ذنب الشخص اللي يعاني من هاالمعتقدات القديمه واللي ما اظن انها راح تزول بيوم من الايام