المشاركة الأصلية كتبت بواسطة وَدْق
_ يعني أنت تشوف أن أي اختلاط بين الجنسين هو عرضه للجنس وش هالتفكير الملوث!. ًں§گ
إذا قلت ان المرأة اللي تلبس غير محترم أو تتعطر أو تتغنج ومقصدها جذب الذكور ولفت الانتباه نقدر نقول ان ولي أمرها ديوث.
_ أنا ضد الاختلاط بس في فرق بين الاختلاط والخلوة، الاختلاط حتى في الحج اللي من أعظم شعائر الله ورغم هذا رخص للمرأة اللي ماعندها محرم الذهاب مع مجموعة من النساء.
والمستشفيات فيها اختلاط بالله وش المكان اللي مافيه اختلاط الحين!.
الخلل ليس في المرأة بل في عقلية الذكر اللي ينظر أن للمرأة بأنها خلقت أداة التكاثر وأنها مجرد عورة يجب طمسها وبقائها في المنزل لخدمته هو وأولاده! وحرمانها من أبسط حقوقها في العلم والوظيفة . هذي نظرتكم المتخلفة حتى لاخواتكم وبناتكم للأسف وبالتالي ضياع حقوقهن اذا جات تقارن نفسها بغيرها ممن درست وتوظفت تحس بالنقص والجهل والظلم.
_بخصوص تروح السوق وما معها محرم طيب يمكن ما عندها أحد يمكن ابوها او زوجها متوفي او مريض أو مسافر، انا أحيانا أطلع للتسوق مع خواتي او مع أمي او مع أي بنت في العائلة بدون محرم اذا أهلنا ما فاضين لنا.
في القرآن أمر الله تعالى الذكر بغض النظر عن المرأة وتحتها خط وبتدأ به أولاً " قل للمؤمنين يعضوا من أبصارهم ويحفظون فروجهم ذلك اذكى لهم إن الله لطيف خبير وقل للمؤمنات يغضضن من أبصارهن.. إلى نهاية الآية.
يعني شفت بنت في السوق سواء معها محرم او بدون محرم او أمها أو مجموعة نساء المطلوب منك تغض بصرك.
اما اذا البنت طالعة بكامل زينتها وهدفها لفت الانتباه هذا الشيء بينها وبين ربها المطلوب منك تغض بصرك بعد.
_أما عاد آخرتها خياطة وطب نسائي ًںک‚! مع نفسك هذان التخصصين بالذات ما موجودين في عمان. ولو قلت علوم الشريعة نتقبل.
طيب وباقي للعلوم خاصة للرجال يعني.! " مالكم كيف تحكمون"!.
_ المرأة اللي تجتهد في طلب لعلم هي تعمل بفريضة فرضها الله تعالى الرسول صلى الله عليه وسلم يقول : " طلب العلم فريضة على كل مسلم ومسلمة" . وفي الحديث " من سلك طريقاً يطلب فيه علماً سهل الله به طريقا إلى الجنة وأن الملائكة تضع أجنحتها رضا لطالب العلم وفضل العالم على العابد كفضل القمر على سائر الكواكب".
دولتنا للأسف ما فيها غير كلية وحدة بدون اختلاط.
ولا يعني ان البنت اللي درست في كلية مختلطة انها غير محترمة أو عاصية لربها، أو أنها قليلة الحياء. (الا اللي ما احترمت نفسها و رضت لنفسها الرخص والذل واستغلت وجود الجنس الآخر معها ليحققا هدف الشيطان ).. أو ان أهلها مدري شو بالعكس هن سواء تلقن علمهن على يد معلمات أو معلمين في جامعات مختلطة فلهن أجر من الله إذا أخلصن النية لله من طلب العلم، بالعلم خرجن أمهات ومعلمات وطبيبات ومحاميات وغيرها من العلوم اللي استحقنها وسعن لخدمة الوطن ورقي المجتمع، خرجن من ظلمات الجهل إلى نور العلم تعلمن وعلمن أولادهن وغيرهن وساعدن أهلهن في كسب الرزق الحلال وتخفيف أعباء المعيشة.
ختاماً القرآن الكريم به بحراَ من العلوم المختلفة اللي أمرنا الله بالوقوف عند أحكامها من بينها هذه الآية " يا أيها الذين آمنوا عليكم أنفسكم" ولا يكتفي بتلك التي تتحدث عن فقه النساء فقط.
رد مع اقتباس
