المشاركة الأصلية كتبت بواسطة احساس روح
عزيزتي احساس
هناك قبائل لا زالت متمسكه وبشده بمبدأ النسب
وفي عوائل بدت هالامور تعدها مجرد شكليات ومشوا ع قول الرسول ان جاءكم من ترضون دينه وخلقه فزوجوه
في عوائل من كثر تمسكها بهالمبدأ صارت ترفض زواج بنتهم من اي شخص مو مناسب وحتى ولو البنت شافت به الزوج المناسب لها يا ترى بعذي الحاله مش ظلمنا البنت؟
اعطيك مثال: في ناس من معارفنا حسب ونسب وهالامور تقدم لبنتهم شاب به كل مقومات الزوج اللي تتمناها كل بنت بإستثناء انه ما يناسب
لانه مش من مواخذيهم زي ما يقولوا البنت شافت الشاب وارتاحت له وقالت موافقه الاهل طبعا رفضوا وهي ظلت ع رايها ولان هالشخص من نصيبها تم الزواج رغم رفض الام وما حضرت عرس بنتها
البنت مرتاحه آخر راحه بناء لها بيت قصر من جماله
مع مرور السنوات الام صارت تتباهى بزوج بنتها اللي مثل ما تقول مش من مواخذيهم وصارت تتباهى هالعقد هديه من زوج بنتي وهذا بيت بنتي وووووو
اللي ابغى اوصله ان احيان الرفض يكون مجرد شكليات ولما نشوف راحت اولادنا نجزم ان هذا الزوج اللي بالفعل استحق بنتنا لان ممكن صاحب الحسب والنسب ما يكون عيشها هالعيشه بالاضافه لاخلاقه ودينه
