هل يحق للشاب تفتيش موبايل اخته ؟؟؟

[فاصله]

أشكركم اخوتي ع المرور الأكثر من رائع

احترم وجهة نظر كل واحد فيكم ....


من وجهة نظري ....

الي يشك ف اخته او زوجته معناته انه هو كان يسويها ف بنات الناس وعشان كذا مب واثق ف احد ....

بعطي فوني لاخوي او زوجي ما عندي مشكله بس ف صور المفروض مايشوفنها صور عائلية ما يحق لهم ... او رسايل خاص بيني وبين رفيجاتي ما من حقهم يشوفونها ..

اهم شي الثقه ..
عن نفسي ما أعطي حد تلفوني الا اذا عطاني تلفونه اول سلم تستلم

وشكرا

[جمال319]

احس من الردود اصبح ﻻخ عدو وانه فاسق وكما تدين تدان ي سبحان الله
اليس الاخ له حق الوصايه اليس الاخ من خوفه ماسألتو شو لاسباب الي خلته يفتش فونها
الحين اصبح ﻻخ فهلحاله كما تدين تدان
ﻻ راح افتش وكسر راسها بعد لو ﻻمر شفت انه يستدعي

[احساس روح]

الاخ ليس له الحق تفتيش خصوصية اخته
ولكن اذا هي واثقه من نفسها
راح تعطيه الهاتف بصدر رحب
ويفتش ع ما يريد
يمكن يخاف عليها واجد

[سارة الوهيبي]

لكل شخص حرية ومساحة خاصة
بس الثقة المطلقة ممكن تكون سبب في افساد الاخت او حتى الأخ خصوصا الاطفال واللي في سن مراهقة لذلك انا مع المتابعة ومراقبة اجهزتهم ،،بخصوص السؤال للمتزوجين اعتقد طبيعة العلاقة تختلف وكلا الطرفين بالغين وعاقلين وفاهمين وصراحة اتوقع الواحد يجيه فضول يشوف فون الطرف الثاني بس ما يخنقه عاد ويجلس يفتش في الخصوصيات لان هالتفتيش ما وراه غير المصايب ممكن الوحدة تكتشف خيانة زوجها او حاجة سيئة ما كانت تتوقعها فالأولى الوحدة تشتري راحة بالها..

[يَاسَمِين]

السلام عليكم

يفضل الاب او الام يقوموا بمتابعه جهازه ابنتهم او ابنهم الصغير او المراهق ..لان انا ضد ان الشخص يمتلك ههاتف نقال وهو بعمر صغير ..بس اذا اضطروا يعطوهم يقوموا بمتابعتهم للاطمئنان بس ما يحسسوهم انه جالسين يفتشوا ..
مثلا يطلبوا منهم الجهاز لرؤية الاستوديو او غيره

اما بالنسبة للاخ يفتش هاتف اخته وهي شابه ما حلو ابدا بحقها ..
حلو تحسس اختك او اخوك انك واثق فيه باللعكس هالشي يدفعهم يككونوا افضل ويخجلوا يسوا شي من وراكم

[مسقط الحب]

طبعاً يحق له تفتيش جوال اخته بعيد عن الشك وغيره
واذا البنت رفضت تفتيش جوالها ترا لازم فيه شي مخبيه
لاتقولن ما فيه لازم فيه ...
اصلاً لما تكون واثقه من نفسها عادي تقوله خذ تلفوني وفتش لين تشبع

[الطموحa]

من جهة هل يحق له ام لا ؟
ما يحق له بس في حالة هو يريد يفتش فوني بعطيه ما اقول مريض او عدم ثقة اهم حاجة انا واثقة من نفسي حتى يتركه عنده شهر ما تفرق واذا هو شاك في شء معناته هو يفعل هالامر وصح الكلام كما تدين تدان وسلامتكم....خخخخخ ...

[يَاسَمِين]

طبعاً يحق له تفتيش جوال اخته بعيد عن الشك وغيره
واذا البنت رفضت تفتيش جوالها ترا لازم فيه شي مخبيه
لاتقولن ما فيه لازم فيه ...
اصلاً لما تكون واثقه من نفسها عادي تقوله خذ تلفوني وفتش لين تشبع

لا والله
ما شرط
انا مستحيل اخلي اخوي يلمس فوني اولا هذي خصوصياتي
وفي صورنا انا وربيعاتي و مسجات بينا ما احب اخواني يقروا مسجاتنا ما من حقهم يقروا اصلا
وفي خواطر اكتبها بنفسي وما احب حد يطلع عليها ابدا

واللي شكاك ويفتش وراء الناس اكيد هو وراه سوالف من كذا يفكر كل الناس مثله ^

[يَاسَمِين]

يلا اللي مأيدين الموضوع
شو رايكم خواتكم يفتشن فوناتكم ترضوا ??

[فاصله]

يلا اللي مأيدين الموضوع
شو رايكم خواتكم يفتشن فوناتكم ترضوا ??

أكيد ما راح يرضون اعرفهم
متناقضين