نبع الاشواق

[بقايا طيف]

حركت ياعذب اللمى جيش سودك
حتى استحلت عرش مغرم ودادك

بان إنتصارك واعتلت به بنودك
وأخلى معاقل قوّ صبري جهادك

يامنبع الاشواق حامت ورودك
متى بنوّالغيث يامر فؤادك

بين إقتدارك وافتخارك بزودك
صبري تحطم فوق صخرة عنادك

تبدي هواك وتلتزم في وعودك
ومن الولع مضناك بارضاك صادك

ياروح روحي لا تشدد قيودك
مادام نور النور خالط سوادك

مدّ الضيا في حرب داجي جعودك
ترى حلا الاضداد بالنور زادك

روح المعاني في بيانك اشهودك
وحتى البلاغة تنتظر لإعتمادك

أدخل جريحك في مواطن حدودك
لاتحرم المشتاق جنة بلادك

معنى الوفا من فيض غيثك وجودك
داو بحنانك من شكالك نكادك

أنا أنتظر من روح جودك سعودك
جو الهنا في روعتك وانقيادك

لولا اعتبارك بالغياب ووجودك
ماعاش لك هاويك واقع سهادك

شفي شفا ماصابني من صدودك
ان كان ما تبدي خفايا مرادك

وجدي على بستان يانع ورودك
قبل النوى يافاتني وابتعادك

قبل الرحيل وحل حال يكودك
جملّ جمالك بالوفاء واجتهادك

[رايق البال]

هلا فيك بقايا طيف ..
كالعاده نص واختيار للبعيد يأخذنا معه
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[الروح الخجوله]

انتقاء رائع.....شكر لك..

[عطر الاحساس]

كَلمَأت جميَله ,

أبَدعتَ بِ أنتَقأئك لِ نصَك الفَأخَر ,

بَ أنتَظأر مَزيَداُ منْ تَألقَك .,’

لك أرقْ تَحييييه ’,

[الرميثي]

نص جدا رائع
يسلموووو اختي ع الكلمات الراائعه ..
يعطيك العاافيه

[حبي خالص]

الله على الابداع وروعة الاختيار
دمتي برقي ذوووقك عزيزتي

[نوارة الكون]

يسلمو يالغلا متميزه باختياراتج
ربي يعطيج العافيه

[بقايا طيف]

هلا فيك بقايا طيف ..
كالعاده نص واختيار للبعيد يأخذنا معه
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

لاعــدمت الطلــّـه الـعطره
لك مني اجمل وارق باقات الجوري

[بقايا طيف]

انتقاء رائع.....شكر لك..

لاعــدمت الطلــّـه الـعطره
لك مني اجمل وارق باقات الجوري

[بقايا طيف]

كَلمَأت جميَله ,

أبَدعتَ بِ أنتَقأئك لِ نصَك الفَأخَر ,

بَ أنتَظأر مَزيَداُ منْ تَألقَك .,’

لك أرقْ تَحييييه ’,

لاعــدمت الطلــّـه الـعطره
لك مني اجمل وارق باقات الجوري