المشاركة الأصلية كتبت بواسطة قائد الغزلان
صباح ورد أريج
رجعنا لكم مرة أخرى
اليوم سوف نتحدث عن الطب في زمن الطيبين
كيف كان يتعالجون من الأمراض التي تصيبهم؟؟
وهل كان يوجد حكيم ف القريه؟ ؟
وما هي الأدوية الشعبية التي تساعد ع الشفاء؟؟
اسعد الله صباحكم بكل خير
كان في دكاتره بس مو بنفس البلد كان بعيد والمواصلات كانت نادره كان لما حد يتعور او يمرض يودونه عند المطوع او المطوعه
اذكر مره كنت العب مع بنت اختي وفلعتني بحصاه وطبعا طلع الدم من راسي وروحت عند امي ابكي والدمان تصب
مسكتني من ايدي ودتني عند جارتنا الله يغفر لها ويرحمها ومسكوني وكفتوني عن اشرد ودقو الثوم وعصروه على الجرح وانا اصارخ
وامي تقولي تستاهلين وبعدها انظربت بعد هههههههههههه ليش يانبع الحنان صحيح كنا اشقياء بطفولتنا
ومره اخوي كان يلعب كره ونسى عمره يفكر نفسه كابتن ماجد واكسرت ريله وجابوه البيت عاد الشباب ما قصرو مره على حرمه كانت مشهوره بالتجبير عندنا وجابوها معاهم جبرت له ريله شهر والثاني الحمد لله قام يمشي على ريله مع انه كان في مستشفيات بس كان الطب البديل له ناسه اللي تعرف فيه وعندها خبره بهذا الشي مب الحين الكثير منهم يدعي المعرفه فيه والحين الحمد لله المستشفيات متوفره
