اليوم حبيت اناقشكم في موضوع يخص اطفالنا الي هم فلذة كبدنا
اليوم صرنا نشوف كثير من الأطفال عدهم بدانه مفرطه الي تخليهم ما يعيشون حياتهم بشكل طبيعي....
و حطيت ذا الموضوع حتى انتوا تثرونه و توصلون رساله لكل ام و لكل اب بِما انه لهم الدور الأكبر حتى يحافظوا على اطفالهم بعيدين عن السمنه لانه اطفالنا اذا ما استمتعوا و هم اطفال ب صحتهم و لعبهم و مرحهم الي سمنه ممكن تأخذها منهم ف متى راح يستمتعون ،،،،،
ف عشان كذا خلونا نتبادل الآراء حول ذا الموضوع
و نعرف :
اسباب السمنه عند الأطفال ...
نتائج السمنه ...
و كيف نجنب اطفالنا السمنه ،،..
و في نظري من الاسباب الي أدت الى انتشار السمنه بين الأطفال هي
* الجلوس لفتره طووووويله للعب بدون اي حركة ..
* انشغال اهل البيت عن الطفل ف لا يجد من يتسلى معاه ف يتجه للكل و بدون توجيه من هم اكبر منه او بدون رقيب ....
* قلة التواصل مع الاقارب او الجيران الذي يجعل الطفل بعيد عن اقرانه او من هو في عمره ل يتسلى معهم بلعب جماعي الي يتخلله الركض و حركات الشقية للأطفال ....
و غيرها من الاسباب الي ممكن تثرون بها الموضوع
النتيجة
*طفل بدين لا صحه
* الانعزال عن الآخرين لانه يتعرض للإحراج من اقرانه في المدرسه او اي مكان عام
* العنف مع الأطفال الآخرين كونه يشوف نفسه قوي ب الجسم الكبير ،،،،
كيف نجنب اطفالنا السمنه ....
* نشجع الطفل ب انه يلعب مع الأطفال الألعاب الي تكون فيها حركه ....
* لما يكون الطفل جدام التلفزون او يسوي اي شي و هو جالس بدل عن نحط جدامه بطاطس نحط عداله سلطه فواكه مرتبه بشكل حلو وجذاب و ما نقوله تعال تاكل لان ما راح يتقبل ف البدايه انت ك ام او اب اجلس جنبه و بدا تاكل الفواكه هو من يشوفك راح يقلدك و بكذا راح ياكل اكل بدون سعرات حراريه
و بكذا انا ذكرت الي معي و اتمنى اني قدمت شي ممكن يفيدكم
رد مع اقتباس