المشاركة الأصلية كتبت بواسطة أفتخر عمانيه
اولا شكرا ذكرى الرحييل على الموضوع.
ثانيا ويش اقول عن تربية الاولاد حالياً.
على أيامنا والله كنا نحترم الاهل كثير ونحسب حساب لهم مش اهلنا فقط هم اللي ربونا حتى اباء وامهات الجيران ربونا وكانوا ينصحونا والاباء وقتها كانوا يسافرون لبلدان بعيده لاكتساب الرزق. على ايامنا ما فيه سهر لخارج البيت بالنسبة للأولاد والبنات من أساسا ما يخرجن ابدا بالليل بعد اذان العشاء الكل في بيته.
ما كان فيه سهر على التليفزيون ولا كان فيه كمبيوتر وموبايلات وبليستيشن وغيره. الجار له الحق يأدبك ويصلح من أمرك لأنه يعتبرك مثل أولاده والام والأب يقولوا له مثل ولدك أدبه.
الحين كل هذه الامور تغيرت سار الاولاد اكثر تفتحا واستخدامهم للآلات الحديثه طول النهار في يدهم
انت بس كان تقدر شل الموبايل من يده بيعفس لك الدنيا فوق تحت ولهذه الاسباب كثر مرض التوحد بين الأطفال.
ومثل ما قلت اول الاب والام والجار يؤدبون الحين حتى ولي الامر لو مد يده على ولده بتحصله رايح الابن مركز الشرطة ومبلغ عن أبوه وما بيخرج الاب الا وهو موقع على تعهد بعدم ضربه وهذا شفناه حصل ما مجرد كلام.
اول الاهل ينصحوا والابناء يستمعون الحين انت تتكلم عاد تشوف الابن عامل لك طاف ورايح عنك ولا كأن تكلم أحد .
الابناء الحين صحيح ملمين باستخدام الالات الحديثة وتشوفهم لبقين في الكلام لكن خلهم يدخلون المدرسة بررر مشي عندهم علم لان في البيت ما تعود على الانصات والنصخ تعود طول النهار على اللعب ولكثرة استخدامه
الأجهزة الحديثه.
اول الأهل مخلينا مراسلين روحوا بيت فلان وبيت علان واحنا نركض مثل هبت الريح . الحين تطلب منه يعطيك شي وهو جنبه ولا عنده خبر ولا سمع اصلا انت ويش تقول لانه ملتهي بلعبه. واذا راح مثلا اكثر من مره بيقول لك كله أنا أنا اروح ويش معنى ما يروح فلان.
الحين حتى البنات اذا وحده تشتغل في البيت وحد فيهن ما سوت شي بتقول لك ويش معنى فلانه ما تسوي انا مارح اسوي شي .
على ايامنا نفرح لما نشتغل ونتقن ذاك الشي لان نعرف لما بنتزوج يكون عارفين شغل البيت زين الحين خلاص شغالات في البيوت واذا مشي شغاله الله يخلي المطاعم.
خلوها على الله بس ههههههه
زمن وراح
ولكل زمن ناسه
تحياتي لكم
رد مع اقتباس
