[ يَمـرونكّ 🍂] !

[الشيخه الفلانيه]

ء


قصيدة / يمرونكّ
كلمآت / سعد بتآل السبيعي



صفير الريح فـ الباب الحديدوفي جدارالسور
‎يشابه صوت فقدان الحنين .. لـ صاحبٍ غايب

ياصوت الغايب المرغوب لو مريت بين الدور
‎نبت عشب الاماني .. فـ الخفوق المخطي التايب .


صدى الذكرى يمر بـ سر صدري والصدور قبور
وانا ماقلت ياصوت الصدى ويش انت لي جايب ؟


أحس إن الزوايا قاسية وإني بدون شعور
‎وأشوف إن الصداقة .. شمع من قل الوفاء ذايب .


أبنفض جوختي عن منكبي والواردات صدور
‎أنا . مانيب واقف في مكان . الخايف الهايب .


رفيق العام .. عن تقصيرك الواجد معي مشكور
‎أنا عذري شجاع .. إن رحت منك وخاطري طايب .


يمرونك عشاشيق الكلام .. ولابسين الزور
‎وترميني قدم ريح الظنون وتحسبك .. صايب .


عذرتك .. ما لحقتك بالملام . وقلت فيك قصور
‎جبر كسر .. المشاريه الكبيرة. خاطر الشايب .


يا وجه الطيب في ضحكك مواسم من رضا وسرور
حضر وجه العشم .. عن وجهك اللي ما حضر نايب .


ابي بيني . وبينك .. للسنين المقبلات جسور
‎على كثر الأسي ماابغى الصداقة . قدرها سايب .


أخذت آخر طموحات السنين .. وقلت وين النور
‎ونفضت .. غبار صدمات الرفيق وظني .. الخايب


https://m.youtube.com/watch?v=-6SsXZj8A9M

[رايق البال]

هلا فيك شيخة الرواق ..
قصيده ولا اروع واجمل كما تعودنا منك
الف شكر لجهدك واختيارك وتفاعلك الجميل
طابت مساءاتك ..
( طرح يستحق النجوم الخمس)

[أميرة الروح]

قصيدة رائعة
بارك الله فيك عالانتقاء

[وريث العز]

الله قصيده جميله وتشبيهات اجمل
يعطيك العافيه الشيخه

[اموووره]

خساره القصيده فالفيديو بس النص ..
كلمات جداً جميلة وانتقاااء ولا اروع كالعاده ..
يسلمووو الشيخة ..

[الشيخه الفلانيه]

هلا فيك شيخة الرواق ..
قصيده ولا اروع واجمل كما تعودنا منك
الف شكر لجهدك واختيارك وتفاعلك الجميل
طابت مساءاتك ..
( طرح يستحق النجوم الخمس)

أسعدني مرورك أخي ؛تسلم '

[الشيخه الفلانيه]

قصيدة رائعة
بارك الله فيك عالانتقاء

مُتشكره. '

[حبي خالص]

يسلم الذوق الراقي عزيزتي
لا خلا ولا عدم

[الشيخه الفلانيه]

الله قصيده جميله وتشبيهات اجمل
يعطيك العافيه الشيخه

أسعدني تواجدك اخي .

[الــنور]

اختيار مميز
اسعدك الرحمن