شيلة / وين أنت
اداء / ثامر الرشيدي
طاريك لامن مرني وانكسر حال
أقول رايق مير ماني برايق
سريت لك برد الشتاء وأشهب اللال
وأتعبت نفسي لك طرايق طرايق
الحب قصه والعشاشيق الأبطال
وإخراجها بيدين رب الخلايق
أقول طايق غيبتك عند الأنذال
وأنا قسم بالله ماني بطايق
لكن أخاف إن قلت لك مدمعي سال
يقال عني يالضعيف الموايق
وإلا أنت خابرني على الضيق رجال
سنايدك يوم العلايق علايق
ماني بقايل شي ما هو بينقال
لكن على الله يالصدو الغلايق
هذي ثالث سنه والحال ما عادت حال
حتى الفرح ما هو على الوجه لايق
للحين ذكراك العزيزه على البال
في كل يوم اتمرني واتضايق
رد مع اقتباس
المشاركة الأصلية كتبت بواسطة اميرة الروح
'
