شيله - اطهر ذنوبك - | اداء : بحه صوت و حمد العازمي | كلمات : محمد بن سعود جديد
تمر أحيان في بالي ولا مره تناسيتك ..
وأفكر فيك يا غايب وأقول الله يصبرني !
تعبت أعاتب طيوفك من اللهفه ليا اطريتك ..
وتعبت أرتب أحزاني بشعرٍ فيك ما سرني !
أنا أدري طالت الغيبه ولكن ما تباطيتك ..
تباطيت الجروح اللي أقدرها وتقدرني !
حبيبي قلبك القاسي إذا بالصدفه لاقيتك ..
طلبتك تسأله عني عسى للحين ~ يذكرني !
أنا قبل أمس مع طيفك تسامرنا وناديتك ..
كسرني قلبك البارد ومنك الوصل يجبرني !
تخيّل كم مره جيت من شوقي على بيتك ..
وأكلّم بابك المقفول أنا موجود عبّرني !
طلبتك واسألك بالله أنا في يوم بكّيتك ؟
غريبه ليه تجازيني بطعناتك وتغدرني ؟
تذّكر كم مره ضقت من دنياك وضميتك ؟
وألملم وأجمع اشتاتك غريبه وأنت تكسرني !
أمرك " أطهر ذنوبك " ولا في يوم ضريتك ..
وتمرني وكل ما مريت ناوي بإنك تضرني !
تمنيتك قبل ترحل وأردد آآخ يا ليتك ..
مجمّل ذكرياتك في عيوني قبل تهجرني !
حبيبي لو فرضت إني على الغيبه تحدّيتك ..
تطمّن قلبي من بَعدك على كيفه يسيّرني !
أحبك وأكره غيابك وأنا للحين ما انهيتك ..
وتأكد لو يطول العمر هجرك ~ ما يغيّرني !
رد مع اقتباس
المشاركة الأصلية كتبت بواسطة رايق البال
