مع مراسيل فكري رحت عشرين وادي

[هجرس الروح]

يا حمام سمعته فوق الاغصان شادي
هاك قافي وغنه في هديلك قصيد

بين نوح الحروف وبين بحة عبادي
جر صوتك وعطني من لحونك جديد

دام الاوجاع لجت في حناجر فؤادي
خل عنك التغرد في لحنك السعيد

غن قاف العذوبه من محابر مدادي
وكل ما ناح جرحي بالتغاريد زيد

صار لي قبل اجيك عدة ايام غادي
وسايق اقدام وجدي من طريق بعيد

مع مراسيل فكري رحت عشرين وادي
واضطراب المشاعرفي نزول وشديد

ما بقى عرق واحد بالمعاليق هادي
والمواجع تحاشر والطواري هديد

كل لون بعيوني في غيابه رمادي
ومتلف الروح مدري وش هو مستفيد

آآه يا جرحي اللي في خفوقي ينادي
سابق جرح ثاني فالمحاني شهيد

جرح الاحباب دايم مايجي جرح عادي
ان تركته يضرك وان حرثته يزيد

من يديه الجروح وفي يديه ضمادي
وسم خنجر غيابه في مغز الوريد

لكن اللي ذبحني ليه بالصد بادي
ليه من دون غلطه فالمكابر عنيد

وكان وده يجرب كيف صاير عنادي
شوفني ما نظمت بغير هجره قصيد

[نوارة الكون]

سلمت يمناك اخوي
انتقاء جميل وتواجد اجمل
دمت في حفظ الرحمن ورعايته

[أميرة الروح]

انتقاء جميل
بارك الله فيك

[الشيخه الفلانيه]

جرح الاحباب دايم مايجي جرح عادي
ان تركته يضرك وان حرثته يزيد


قصيده جميله أخي الهجرس
يعطيك الله العافيه '

[مفآهيم آلخجل]

ذآئقة رآئعة

إنتقآء مميز

كل آلشكر لك!