حلق بعيد ف دنيتي بين البشر
لك وسط عيني مدرج وقلبي مطار
سافر بعين الريح في حدود النظر
وارجع لان بغيبتك طول انتظار
عدت بسلام جناح عاد من السفر
حالة هبوطك صار في حال اضطرار
شفت برجوعك فرحتي بلون الفجر
والحال سر الحال من نور الديار
حتى الشواطيء عانقت موج البحر
والليل بان ف ظلمته شمس النهار
بس يا حسافه فرحتي دون الشهر
والعين هلت دمعها بليل السهار
يوم (ن) نويت البين ياعمر العمر
معذور لو ماني أريد الاعتذار
ما بين ذكرى..وبين اشجان الصدر
احضن خيال و صورته وسط الاطار
أرحل .. بعيد هناك واتركني صبر
اطلال حل بديرتي وسط الدمار
ارحل لاني في المواني أنتظر
وانت الشراع يطوف أمواج البحار
ارحل لو ان الروح بعدك تحتضر
والنور في عيني تغشى في خمار
لو شفت اسمي في حكايات البشر
لو قالوا اني كنت ذكرى باختصار
لاني متيم صرت في حكم القدر
شوق المسافر بين اسوار و جدار
رد مع اقتباس