وش فيه صوتك ممتلي نبرة الياس , ؟!
وعينك على وشِّو من الدمْع غرقا , ؟!
يا شَمعة الجلاَّس هونك فلا باس , !
البارحَة نضحك وجا يوم نشقـا , !
شفني أبتسم لك وآنا في ظَهري الفاس , !
خلَّ المُوادَع بين الأحباب يرقى , !
حنَّا بنينا حُبِّنا من على ساس , !
وفي ذكرياته راح ينبض ويبقـا , !
الأجواء تكفينا ليا فاض الأحساس , !
شالٍ بيدِّي والسِّما شبْه زرقـا , !
وشعرك تلاعب به هبايب ونسناس , !
وراسك على كتفي من القُرب يسقى , !
وأغنِّي بصوتي وأناظرك بنعاس , !
ومعي يغنِّي لك خفوقي وعرقه , !
" أسمع صدى صوتك مع ضجَّة الناس " , !
وآشوف في ثغرك بدا يبان برقه , !
وآهيم في حسنك وتوقيت الأنفاس , !
وأقول لك: من وين مثلك أبلقى , ؟!
وترجَع على الطاري مع عناق هوجاس , !
وتهلّ عينك دمع .. حتَّى تغرقه , !
وآصبِّرك وإبليس عاصي وخنَّاس , !
( آخر لقاء ) بعدين ما فيه ملقى , !
إن كنت لي , فالوعدفي صالة أعراس , !
وكانك لغيري , فاللّقـاء باسم( فرقا )
رد مع اقتباس
المشاركة الأصلية كتبت بواسطة حبي خالص
