ليه الي يطعن في الظهر مايواجه
ليت الزمان يجمع قروم ورخوم
ويجمع اهل الطيب واهل العواجه
ويجمع الشيخ القوي سيد القوم
ويجمع اذناب تحب الهماجه
حتى يصير الفرق واضح ومعلوم
وكل يعيش برغبته وبمزاجه
والمشكله لا صارت بظرف مختوم
تكبر ويكبر عالمي واحتجاجه
ولاني اشوف الوضع سيئ على الدوم
خطيت قاف للعرب والخواجه
لاتنقدون وصامل الهرج مثلوم
لاني بمتفلسف ولا ادور حاجه
الناس تتشكل تبي الشي مقسوم
ماحد قنع في عيشته وفخراجه
احد تحسب انه على طول مظلوم
واحد يذوق السم بعد انزعاجه
واحد ظلمه الوقت والوقت محكوم
واحد يجيك ويخدعك بارتجاجه
مرات تلمح ناس تحج وتصوم
مرات نفس الناس تهوى الرواجه
بعض البشر لا جيت تنصاه مايقوم
يبعد يظنك طامع في سراجه..!
وبعض البشر لا جيت له صار ملزوم
يمد لك يمناه بعد ابتهاجه
وعمر الزمن ماعاش حاقد ومهموم
الأ بعد مانكس الكذب تاجه
ياناس ياعالم ترى حب الخشوم
ماهو مثل ضرب الوجيه بزجاجه
اللي يجينا بالعسل ليه مذموم؟
واللي يجينا بحقد نتبع عجاجه..!
ليه التوجد والبكا ليه مانحوم؟
ليه الوجع لا طل يبطي علاجه؟
ليه اللي جانا بالكذب دوم محشوم؟
وليه اللي يطعن في الظهر مايواجه؟
مما تصفحت وراق لي فنقلته .....
رد مع اقتباس
المشاركة الأصلية كتبت بواسطة رايق البال
