يا عجايب هالزمان .. اللي غدا ,, كله عجايب
كل ما قلت ابتسم ...؟ اثره يكشرلى بنابه..!!

ما يعيش بهالزمان .. الا (ولد) ,, خاين , وعايب
والمحافظ عالمروه -- والوفا ,, محدن درابه !!

والمصيبه -- اي مصيبه ؟ .. الا هي ,, ام المصايب
ان جرحك ما يجيك الا ,,,, من احباب ’’’ وقرابه ..!!!

آآآآآه يا ظلم الليالي ... آآآآآآه ياجرح الحبايب
آآآآآآآآآه ياقلب ٍ .. طواه الهم في اول شبابه

يا زمن ’’ وش بك عليّه -- ليه دوم الحظ خايب ؟؟
(انت) .. و(الحظ الردي).. و(الحب) ,, كوّنتوا ,, عصابه

ايه انا اللي خابرينه ,,, ايـــــه انا قد الصعايب
لكن الكثرة ’’ تهد الحيــــــــل -- وتزيد الكآآآآآبه

 ويش اسوي ؟؟ جيتكم واحد -- وجيتوني كتايب !!
ذا سيوف .. وذا رماح ,, وذا يوجّه لي حرابه ..؟!!

كان تبغاني اتوب من الوفا ..؟؟ مانيـــــــــب تايب
هاك قلبي .. اجرحه ,, كيــــفك -- تلذذ في عذابه

عشت طول العمر وافي -- والشرف فوقي .. سحايب
ما اموت الا وانا وافي ,, وفي عز ومهاااابه

علميهم يا حروفي -- ليه صار القلب .. ذايب ..!!
علميهم ويش معنى _ الكبريا _ .. عند الذيابه ..!!

وعلميهم --ياغصون الشوق .. شوقك للهبايب
وعلميهم ياجروحي .. عزف نوحك ,, بالرباابه

وعلميهم يا عجايب --عن زمن .. كله عجايب
تحسب انه يبتسم لك ,, واثره يكشّر بنابه ..!!

من ما راق لى واتمناه يروق لكم