يسعد صباحكم / مساكم
هلا بالجميع ...
ولقاء آخر يجمعنا احبتي وأتمنى ماراق لي يروق لكم ...
مدخل /
تدري ( أحبّك ) مثل مالنّاس يدروُن :
الشّوق .. فاضح والدموع / وُحنيني !
ليتك تشوُف الحال من دوُنك شلون :
حتّى وأنا أضحك باين الحزن فيني !
وين إنت ياللي خاليِ(ن) // دوُنك الدار
القلب خالي وَ العنا .. بالمشاوير
وينك تشوف الحال . صاير على نار
الحال بعدك ممـتلي .. بالمخاسير
حالي بعد غيبتك قاسي // وَمنهار
حالي .. بعد غيبتك ما به تباشير
كل شي قاسي صار وش فيه ماصار
حتّى الذي ماصار ممكن ترى يصير
ياما سهرت الليل واحكي له شصار
حتّى انكسر غصني وانا توّي صغير
كل مانسيتك ارجع اذكرك .. واحتار
مانساك لو ذيك السماء تجحد الطير
دامك رحلت وانتهى .. معك مشوار
للحين باقي وُسط قلبي // مشاوير
ماكنت احسب ( البعد ) بالحيل جبّار
لين إبتعدت ومات صوت العصافير
حتى المدينه والضواحي والأشجار
وذاك المكان اللي جمعنا على خير
كل ماأمر تسألني تقول وش صار
واصد عنهم مالي اليوُم // تبريـر
من رحت عني ( ابتدا ) معك مشوار
ذيك الدّموع اللي توقّف .. طوُابير
صفّوا على ذاك الجفن مثل الاحرار
واقفوا وخلوني وُانا ماني // بخير
ماعاد باقي ( بغيبتك ) لـغز وأسرار
ماعاد باقي غير شكوى المعاذير
دفتر غياب وحبر أنزف به أشعار
وُذكرى رحيلك فيها كل .. التعابير
من غبت عني صار للحرف مقدار
من كثر ماكتب صار عندي جماهير
ماعاد ( قلبي ) قاوي اليوم .. زوّار
من غبت قفّلته وُلابه .. مسايير
تعال وانسى صاحبي . كل مـاصار
مابيننا أكبر من معاتب .. وتأخير
تعال راضي ( لاتفكر ) بالاعـذار
للحين باقي لك معزه .. / وتقدير
ولو مالك ( بقلبي ) معزه . ومقدار
ماكانت دموعي تهاجر // طوابير
اخوكم / رايق البال
مخرج /..............
دايم تجي منّي وأبيها تجي منك : .............
خطوه تجمّعنا بعد / غيبة سنين ! ............
ياغايبٍ عنّي وأنا سائلن عنك :............
الى متى وحنّا على الحال باقين !............
رد مع اقتباس
'
المشاركة الأصلية كتبت بواسطة داناااا
