مدينة ما بها حاكم .. ولا بيَّن بها سكَّــان
أحــس براحتي فيها .. لأنك ( بــدر ) ضاويها
كتمت شهــور [ أحبك ] وأدري بك لها ضميان
حياي أجبرني أكتمها .. إلين الله يفرجها

[ أحبك ] ليتها منِّك ! تداوي خاطري الشقيان
وتحملني على كف الوله والروح تسعدها

تصدِّق !! كل مافيني تبعثر لا طراك إنسان
وتصبح حالتي حاله .. وربك كان يسترها

أنا أحيي الليل بطيوفك.. وأغنيلك بكل ألحان
وأطلب ربي توصلِّك من ألحاني مشاعرها

أبي وسط الملى [ اصرخ ] ويملى صوتي الأركان
[ أحبك ] يابعد حيي بـ أعلى الصوت أردِّدهــا

تركت الكل واخترتك [ حبيبي ] سيِّد العربان
لاني شفت في حُبك من الأخلاق أسماهــــا

سكونك حيل يعجبني .. ويتعب قلبي الكتمان
وسبحان الذي أعطاك .. من الأوصاف أجملهــا

ولا منَّه طرى إسمي على لسانك .. أظل فرحان
ولا منِّك مدحتني أخجل .. فدت هـ الروح مادحها

تظل بعيد .. وفي قلبي أقرب لي من الشريان
وكل نبضه تذكرنِّي بـ روحك ربي يحميها

أنا واياك أبحرنا .. وأبعدنا عن الشطئان
بـ قارب تجدفه بـيدك .. فـ سفره صعب ننهيها

ولا أسأل وين ماخذني ؟ ومبعدني عن الاخوان ؟!
لأني حيــل ( أحبك ) .. وعيني الحب عاميهــا !!

دخيلك تابع الرحلة .. وخل لــ حبنا عنوان
قلوبٍ صادقه تثمر من الايام أحلاهــــــا !!