((((((( على حزة مغيب الشمس ))))))

[نسر البوادي]

على حزة مغيب الشمس احس البرد مالينـي

واشوف الوقت يبكيها واحس ان الثواني ثقال

وقفت ارسم ملامح طيفها والشـوق يبكينـــــي

رحل بي وقتي الطاغي وجيت من الوله منهال

جمعت الجرح فوق الجرح وملتني شرايينـي

وصارت تعزف اضلاعي تغني للوجع مـوال

بكيته لين عافتنـي جفونـي وابتـدا فينــــــــي

ضياع(ن) حطم اضلوعي وصارت للعنا مدهال

فقدته لين صاحت بي متاهـات(ن) تنادينــــي

وصارت فرحتي ثكلى وحزني بالضمايرجـال

فقدتـه سكـر ايامـي ولاظنـه بناسيــــــنـي

وانا والله مانساها الين اصير تحـت رمـال

ابيه يحس فقدي لـه مـن الغربـه ينادينـــــــي

ترى عمر الرحيل المر ماينسي ولوهوطـال

ابيه يضمني وسط الضـــلوع العـوج يدفينـي

يجمعنـي يبعثرنـي يسيرنـي علـى ماقــــــال

يعوض سالف ايامي يرجع ماضـي سنينـــــي

يلملم من جراحي ماغدا من موجع الترحـال

وانا باصير له شاطي واضمه ليـن تطوينـــــي

دروب الذاكره لاجله واجي مثل المطر لاسـال

امانه ياعيـون الكـون تنسيهـا وتنسينــــــي

انا ودي اعيش بها قصيـدة خالـده لاجيـال

صحيح ان الدموع اللي شكت من حرها عيني

حزيــــنه مير قلي وش دواهـا دمعـة الرجـال

على حزة مغيب الشمس اظن الشوق يبكينـي

ولـــــكن الاكيد الكـون عقبـه ماعـدل مثقـال

[أميرة الروح]

اختيار جدا جميل
راق لي طرحك
بارك الله فيك
(يستحق نجوم الخمس)

[ثابت الخطى]

قصيده فى قمة الروعه
بارك الله فيك

[رايق البال]

هلا نسر ..
اختيار ونص ولا اجمل واروع
الف شكر لجهدك واختيارك وتفاعلك الجميل
طابت مساءاتك ..

[مجنونك ما يخونك]

[نسر البوادي]

مجنونك تسلمين اختي مرورك الراقي اسعدني

[نسر البوادي]

اميره الروح تسلمين ياذوووق مرورك العطر اسعدني
شاكرا لك تزيينك الصفحه بالنجوم الخمس

[نسر البوادي]

تسلم استاذي رايق البال مرورك اسعدني ياذوووق