هلا فيكم عدة اليكم من جديد مع روايتي(طريق الضياع والهلاك )...
وعسى تنال على اعجابكم
واتقبل ارائكم وانتقاداتكم بصدر رحب....
...............................
الشخصيات بنتعرف عليهن من خلال الاحداث ....
الجزء الاول
عمر تتذكروا أيام الثانوية والجنون والربشه والحين كبرنا وتوظفنا
وبعد كم يوم ننتظر حفل التخرج بالجامعه
فيصل ههههههههه اسكت اسكت يابوك تتذكر استاذ الرياضيات
لما يكون علينا اختبار كيف نقلب الصف وبيلغي الاختبار...
خالد هههههههه الحمد لله بس انا كنت فيكم عاقل
محمد لاه انت العاقل ايش يقولوا الشياب في مثلهم...
لما يسألوا وين عاقلكم يقولوا مربوط في السمره،،،عاد ما عقل الي فيك هههه...
(عمر-فيصل-ابراهيم ومحمد اصدقاء من نفس البلد وفي الثانوية كانوا بنفس الصف ودخلوا الجامعه مع بعض بمختلف التخصصات والتحقوا بالعمل في شهور متقاربه)
عمر انا لما اتذكر سالفه الفلفل بموت من الضحك ياخي كيف كنا عباقره هههههههه ،،،
مازن الخبير يسويه في المروحه ويجي مسكين الاستاذ يشغلها وتستوي الربشه
والشرده من الصف ههههههه والله أياام ..
أيام مضت وولت
يا ليت الزمن وقف عندها
يا اجمل لحظاات العمر...
يالله نروح نتجهز للتخرج ..محمد(مهندس في الحكومه)
انا اخذت اجازة اسبووع ههههه عشان العزومات مال التخرج
عمر(ضابط في الشرطه) والله حظك كيف يعطوك كذا اجازة
انا بس يومين وبعدهن بمضارب ...وانتو كيف وضعكم ...
فيصل(موظف حكومي) انا ما اخذت اجازة ههههه اموري طيبة صداقه عند المدير وانساب
ابراهيم(مهندس في شركه) اما انا المسكين اخذت 3 ايام بس وراجع لهم عن يفقدووني...
محمد...انزين على من العزومه يوم يخلص التخرج
فيصل على الشمج العزوومه ههههههه
عمر ياخي ليش الاحراج الفلووس اريد اجمعهن للعرس خلو العزيمه على مهندس الشركه
ابراهيم...هههههه ولا يهمكم بجيب لكم خبز وجبن وبطاطس عمان من البيت وبجيب فيمتو وبنسوي له ماي
محمد ...حشا ما حد ابخل منك انت من يوم يومك بيكون الحين فلوسه مكنزات
ابراهيم هههههههههه حشا حسوود سم الرحمن ...عشاكم علي واختاروا المكان الي تريدووه...
أسماء (اخت فيصل وخطيبة عمر )....اليوم ماحد يغير قناة عمان بنشوف تخرج فيصل
مازن(اخوها)...اها نشوف فيصل وبس عادي قولي تريدي تشوفي عمير
أسماء يعني لازم تخليني استحي ..مالازم اقول مفهوم اريد اشوف الاثنين...
اذا فاضي نروح محل الهدايا بجيب الورد
مازن ..اذا حال فيصل وعمر بنروح بس اذا بس لشخص جالسين.....
خلص حفل التخرج ومرة الايام مسرعه...
مجتمعين في مقهى الاصدقاء كما تعودوا كل اسبوع ويتكلموا
عن زميل كان معهم بالمدرسه فوضوي ويرسب كل سنه ولما خلص مدرسة جالس بالبيت ما يشتغل ...
محمد ما مستغربين من سالم جالس بالبيت وشوف البيت الي بناه
واحنا نكد ونشقى وما قادرين نبني غرفه ههههههه
عمر لا ويقول يشتغل اعمال حرة اشك فيه يا انه تاجر مخدرات ولا يبيع اسلحه
فيصل ولا انه يسرق والله غريبه امره شوف كيف يلعب بالفلوس لعب سبحان الله
ابراهيم ولا لما يشوفنا ما كأنه يعرفنا حتى السلام ما يرد علينا ...
فيصل لا تلومه ما عندنا مثله فلووس كيف بسلم علينا هههههههه
محمد خلينا منه ونستمتع بوقتنا ومن نوصل سن 60 بنكون جمعنا المهر وبنتزوج هههههههه
ما مستعجلين ولا شو رأيك فيصل هههههه اكيد لا غبار في كلامك
عمر تكلم عنك انت وفيصل انا وابراهيم امورنا تمام
وكم شهر وما بجي اجلس معكم ما بترك هههه المدام بنفسها بالبيت احسن اجلس معها ولا معكم
فيصل ..الله يالدنيا بتنسانى في يوم وليله ،،،محمد لنا الله ولا بنسأل عنهم احنا
عمر ههههههههههه...
مركز الشرطه..
العميد عبدالله ...لازم نلقى حل وواجد شكاوي على المخدرات داخل المدارس مع الطلاب واغلبيه صغار
لازم نمسك على الراس العودة الي توزع هالسموم وتقضي على شبابنا،،،
بحاول افكر وارسم خطه مدرووسه والله الموفق...
بعد اسبووع..
أسماء...يالله بطلع بمر على صديقتي وبروح اشوف المصممه
فيصل ...بتروح بسيارتك ولا بوصلك
اسماء....بروح بسيارتي وبجلس براحتي اختار انت بتخليني استعجل واختار بسرعه
فيصل..ايوا وعندي موعد مع الربع ساعه 6 تمام الله معك
وفي الطريق قبل من توصل بيت صديقتها صدمتها سيارة يقودها شاب صغير في السن وبدون رخصه سياقه...
مازن..هلا فيصل وووينك
فيصل...عند الربع
مازن..تعال بسرعه انت وعمر انا في المستشفى الفلاني
اسماء استوى لها حادث
عمر ...خبره فيصل وما شاف قدامه ويركض السيارة
والربع خلفه...
انتظرووناا مع الاحداث المقبلة
رد مع اقتباس