الشكوى لله...


ياغلا قدره وغالي
مستواه الزين عالي
ومن حسبته ذاك مالي
زاد في صده وغلاه
شوف هالصاحب تغلا
غايته.. كلا وكلا
وحتى من بعد المذله
حيلتي اركض وراه
هذا من طبع العنيد
ان نصحته ما يفيد
حتى لو شاف الوعيد
حسبي الله ..ما كفاه ؟
شفت اشكال و فنون
وكله من طبع الجنون
لو يبا مني العيون
ماي عيني بس فداه
يا بو سالم أشكي منه
هذا خل ؟ ما اظنه
ليت لو تاخذني عنه
هذا مستاهل كماه؟؟؟
لا سمعته زاد خوفي
علتي في ذي الظروفي
شوف يستاهل حروفي؟
وش بلى قلبي شراه
ناكر في الخير نعمه
ناقص قول و حكمه
هذا طبعه ما افهمه
يا جماعة وش دواه ؟؟
الشكوى لله واشتكيله
حيلتي صعبه وهزيله
لاني ما اذكر جميله
مالي خاطر في هواه

ناصر الضامري