طابت أوقاتكم أيها الأحبه هنا أضع لكم تسجيل لقصيدة مرايا الجرح عسى ان تنال رضاكم
للإستماع��
http://soundcloud.com/maoth-ahmed/mp3
للتحميل ��
https://www.dropbox.com/sh/e3vn6i6ik.../moth.mp3?dl=0
مرايا الجرح
مرايا الجرح تعكس لي ملامح تستبيح العين
تشكل وجه ذاك اللي رحل عني وبقاء فيني
وحلمي صـار يترنــح م بيـن الأمـنيـات وبين
حقيقة سنها الواقع وعلقها على سنيني
ي شمعة نورها عيّا يضوي لي دروبي لين
حرق لي أمتن ضلوعي وذوّب لي شراييني
حبيبي ي طهر ذنوبي ي جنة زينها لي شين
أسير فعالمك تايه أدورني أنا ويني؟!
ضماي وضحكتي كنتي تداوي جروحي وتدمين
بُحور ذنوب في عينٍ حوت ما بينك وبيني
فأما ترسي فشطك وأما يكون لي وجهين
وجه يتبسم لدنيا بثوب اليأس تكسيني
وآخر تاه فبعادك وصلى بك غياب سنين
وغادر دولـة الفرحـة ونسـى يلـملـم دواويني
تجاهل أجمل أشيائي / جنوني ، وكل مابي زين
أخذ حكم النفي المطلق وأنا مشلولة يديني
تركني تايه فارضٍ أدور ياعساني وين?!
سكيك الصبر تاهت بي ولا منفى يداريني
رحلتي ووقتها كانوا يزفوني الى التأبين
غيابك ينسج أكفاني وهجرك قبر يحويني
وكني فبرزخ الحسرة م بين الأجوبة والسين
أكون؟! .أو لا أكون أحسن أموت وينتصر شيني
أنام وكل يوم احلم بأني قد أعود لحين
لشخصي لدفتر أشعاري لذكرى سنين تبكيني
ينام الحلم من أصحى وأعيش بواقعي حلمين
حلم أرجع انا لذاتي وحلمٍ ما يخليني
أشوف العالم فكفك وكل صعب فيديك يلين
وأجي كل يوم لي عندك لجل تروي بساتيني
ملامح وجهي وذابت , وما للزرع غيرك طين
وظلي يوم ما هاجر حلف بأنه يجافيني
تبخر حلمي الأول .. وحلمي الثاني المسكين
بعد ما مل يترنح .. دفنته فمقبرة عيني
رد مع اقتباس
المشاركة الأصلية كتبت بواسطة بوح القلم
