سعيد ود حياة المرحوم خلفان يشتغل في العسكرية
وسبعة الاف دين يلاحقنه.
المهم (الفقير دوم شوره دمير)
معه توأم أولاد، في سن الخامسة
وحرمته المنتقمه سليمه مطفرتبه
اوين باغتنهم يروحوا مدرسة خاصه قبل الصف الأول
وسعيد فقير ما انه مقتنع ولا رافض
قال بيروح يشوف هذي المدارس والروضات
المهم
سليمه شلت عباتها تحت باطها وشلت اليهال
وسعيد في البيكب يضرب هرن يحرصهم
سليمه تتعدل رايحه تسجل أولادها وفرحانه
باغيه تتفشر قدام الحريم العصر
دخلوا لمدرسه الأولى
عشرين رسم من الرسوم الدراسية
والدراسة غالية..
نكس سعيد راسه وطلع
دخلوا لمدرسه الثانية
رسوم مختلفة عن المدرسة الأولى
ومبالغ مختلفة وبعد غالية
أكثر من مدرسة ونفس الشي الحال من بعضه
عموماً من الحر تعبت سليمة
وتعب سعيد
وصارت العبايه غبرا
وطلعت كشة سليمة من تحت شيلتها من كثر الدواره على المدارس الخاصة
ولا جديد، ما حصلوا شي يناسب
إذا رضوا برسوم الدراسة تعبتهم رسوم النقل
وإذا رضو بالاثنين طلعت رسوم الملابس والكتب
تو موووووه ذي الحالة
وين بنوديها ذي البيسة... لسان حال سعيد وسليمة يقول
- هل هناك رقابة على التعليم الخاص في السلطنة؟؟
- هل هناك قانون يضمن حق المواطن في هذه المدارس؟؟
- لماذا المغالاة في رسوم الدراسة وزيادتها بشكل سنوي؟؟؟
اسأله كثيره قد يطرحها نقاشكم ونستفيد جميعاً من تجاربكم.
رد مع اقتباس