ياراســــي اللي ماتعذرك شيمتك
راسٍ بلى شيمه ترا مـــا هو براس
والي تعاملهم يهبــــط عزيمتك
علمهم ان الفرع يفرق عن الساس
والي من اصحابك تمنا هزيمتك
اوقف معه لامسه الضر والباس
من جا يدور له ذرا تحت خيمتك
ازرع له الامال في صحصح الياس
وان اكرمك ربك وزانت غنيمتك
اول ماتكرم متهمينك باافلاس
وان امطرت في شح الايام غيمتك
كم في الديار حلوق وديان يباس
وان جيت قوم وقصرو في وليمتك
اخلق لهم من ثغرة الفقر نوماس
ماهو ضروري تعرف الناس قيمتك
انت بقيمة نفسك ادرى من الناس.
رد مع اقتباس