(((( تحتار في وصفك جميع المكاتيـب ))))

[نسر البوادي]

تحتار في وصفك جميع المكاتيـب
يا اللي جمعت أجمل خصال ومزايا

روحك وقلبك طيب يا منبع الطيب
وعينك غدير عيوني اللي ظمايـا

كل الجروح تطيب والخافق يطيب
في شوفتك تشفي الجروح الخفايا

رفعت نفسك عن جميع الألاعيـب
ونزّهت قلبك عن جميع الخطايـا

جنبّت نفسك سكة الـذل والعيـب
الله يحفظك عـن دورب المنايـا

الجرح منّك مثل عذب المشاريـب
وعندي تراه أجمل صنوف الهدايا

أحدٍ يحبك يا غلا الروح ويخيب ؟!
من حب مثلك ما التفـت للبرايـا

حبيب قلبي لا يجي يـوم وتغيـب
لأنك سكنت العين قبـل الحنايـا

ما خاب حظي معك لا والله يصيب
ألقاك عندي فـي جميـع الزاويـا

أسلوبك اللي مختلف في الأساليب
يشدّني لا شـك مـا لـه حلايـا

أشوف طيفي في عيونك تراحيـب
وما عاد أطالع في عيون المرايـا

بنيت في صدري قصور ومحاريب
ملكتهـا وأنتـه زعيـم السرايـا

حبك مع الأيام مـا زاره الشيـب
شباب وأنا أبقى عنـود الصبايـا

[ثابت الخطى]

روعه
اختيارك رووووووعه اخى نسر بارك الله فيك

[حبي خالص]

انتقاء راقي كرقي ذائقتك نسر
يعطيك الله العافيه
دمت برقي

[نسر البوادي]

تسلم اخي ثابت مرورك العطر اسعدني ياذوووق

[نسر البوادي]

يعطيك الف عافيه اختي حبي خالص مرورك الراقي اسعدني ياذوووق

[أميرة الروح]

أسلوبك اللي مختلف في الأساليب
يشدّني لا شـك مـا لـه حلايـا

أشوف طيفي في عيونك تراحيـب
وما عاد أطالع في عيون المرايـا

بنيت في صدري قصور ومحاريب
ملكتهـا وأنتـه زعيـم السرايـا

حبك مع الأيام مـا زاره الشيـب
شباب وأنا أبقى عنـود الصبايـا

رائع جدا أنتقائك
بارك الله فيك
(يستحق ان يتوج بالنجوم)

[نـــــــقــــــــاء]

نص جمييييل جداااا
يعطيك العافية ع الإختيار أخي نسر

[نسر البوادي]

تسلمين اختي اميره مرورك الرائع اسعدني ياذوووق
شاكرا لك تزيينك الصفحه بالنجوم الخمس

[نسر البوادي]

حكاايه حلم تسلمين اختي مرورك العطر اسعدني ياذوووق

[مجنونك ما يخونك]