​غلا وهبال

هذي القصيدة اعجبتني وحبيت انقلها لكم - - -


حبيبي ناظر عيوني عسى تلقى جواب اسـرع = عسى صورتك فـعيوني تقول اللي عجز ينقـال

حبيبي من وراء الغيمه بدا نور القمـر يسطـع = ولامنّه نظر وجهك رجع يبكـي بضيقـة بـال

سمعته يصرخ ويبكي يقول ان حسنـك الاروع = سمعته يشتري ودك يبي يشكي عليـك الحـال

وسمعت النجم من بعده وانا جالس بعـد اسمـع = يقول اشعار في حسنك يقول اروع حكم وامثـال

وحتى الشمس فـالمشرق توّن وماتبـي تطلـع = تقول اشـفايده اظهر وترجـع تختفـي بجبـال

وشف الورد يرقص لك على اغصانه يقول اقطع = يقول انه على يدك يبـي يشنـق يبـي يغتـال

وسمعت الورق في عشه حزين ومستحي يسجع = سمع صوتك تغني لي جلس يبكي على المـوال

وجاك الورق من عشه يبي يسمع بعـد مقطـع = وشفت الدمع من عينه نزل مثل المطـر ينهـال

وحتى الغيم لاشافك مـن عيونـه بـدا يدمـع = على وجهك همل دمعه وغرّق قذلتـك والشـال

وحتى الليل لاشافك على اقدامـك يبـي يركـع = يقول الليل متناثر علـى متونـك مثـل شـلال

حبيبي مد لي يدك نسافـر فـي خيـال اوسـع = تعال واسبل رموشك على الشاعر تصير ظلال

حبيبي داخلي شاعر ترى عمره ابد مـا ابـداع = ولكن بس لعيونك نزف شعر . وغـلا. وهبـال