اغار من لمسة ايديني ليمناك






ياصاحبي مابقالـــي فكــــــر وادراك
لاتخلع القلب من معلاقـــه ارجــــــوك




من المستحيـل اهجرك يازين وانســاك
اصبحـت في عالمك خاضع ومشبــوك


اللـه يسعــدْك يــاخلّي ويرعـــــــــاك
ويجعــل ايّام عمــرك كلها ضحــــوك


دايم على البال ذكرك وآتمنّــــــــــاك
لكــن دونك جــدارٍ فوقه شبــــــــــوك


والله ماتكمـــل السهــــــره بليّــــاك
الله يفني العــواذل كان لامــــــــــوك


ياشوق ياكم تعنّينــا ولا القـــــــاك
في كل ماجيت شفت البـاب مصكوك


واحلى نظــر سرّنــي طلّة محيّــاك
القلب في الصــدر يتراقص ومربــوك


الله يامجمــل الدلّـــه بيمنـــــــــــاك
الله يستـــر على اهلــك يوم ربّــــوك


كلّك على بعض مثــل البـــدر ماحلاك
يابخــت من بوك جـــدّ وخاله آخـــوك


اغار مـــن لمسة يميني ليــــــسراك
واغار من شوفتك لـمّك ولا بـــــــــوك


واغار من لمســـة اشفاتك من الـــــراك
وان غبت عنّي يجيني احزان واشكوك


دنياي ياشينها من غيــر لقيـــــــــــــاك
حبّك بقلبـــي سكـــن باثبات واصكـوك


متميّــزٍ في جمالك والله اعطـــــــــــاك
مــع السّلامــه تريّـــح والف مبـــــروك