((((( قالت ترى منت بحلو )))))

[نسر البوادي]

قالت ترى منت بحلو قلت رجـال
والزين ماهو من شروط الرجولـه



الزين يلقى عنـد لباسـة الشـال
والرجل زين ان كان زانت فعوله


قالت علامك تلبس شماغ وعقـاال
انت بدوي؟ قلت بدوي ومن حموله

ما ألبس بناطيل لها الوان واشكال
وامتر الشارع بعرضـه وطولـه


قالت اجل راعي معاميـل ودلال
شرب القهاوي تحسبونـه بطولـه

كيفي يابنت الحضر دله وفنجـال
وحليب خلفـه بالمـراح معقولـه

وحب الكرم والجود وعلوم الابطال
مغروس فينا من زمـان الطفولـه


قالت ترى بنت البدو حظها مـال
قلت احذري حذرا تكوني جهولـه

بنت البدو يابنت مضرب للامثـال
فوق الجمال وطاعة الله خجولـه

ماحطة اصباغ ولا حطت ظـلال
ولا سيرة بالسوق سيـر مهبولـه

هي مهرة تصعب على كل خيـال
وانتي ومثلك عسفهـن بالسهولـه

قالت تغزل بي وشف حبة الخـال
ناظر عيوني والرموش الكسولـه

قلت العفو مايجتمع حـب وهبـال
ولكـل ذوق فالمـــزاييـن جـولـه

قلتي وقلت وكلمة الصدق تنقـال
الزين ماهو من شروط الرجولـه

[نوارة الكون]

يسلمو ع الطرح اخوي
كل العاده انتقاء جميل
دمت في حفظ الرحمن

[نسر البوادي]

تسلمين اختي نواره مرورك الرائع اسعدني ياذوووق

[أميرة الروح]

بنت البدو يابنت مضرب للامثـال
فوق الجمال وطاعة الله خجولـه

نص واختيار رائع جدا
راق لي
يعطيك العافية عالانتقاء المميز
بارك الله فيك
(يستحق ان يتوج بالنجوم)

[اطياف السراب]

إنتقآء رائع جدا ابدعت

شكرا جزيلا لك على جهودك

[نسر البوادي]

بنت البدو يابنت مضرب للامثـال
فوق الجمال وطاعة الله خجولـه

نص واختيار رائع جدا
راق لي
يعطيك العافية عالانتقاء المميز
بارك الله فيك
(يستحق ان يتوج بالنجوم)

يعطيك الف عافيه اختي اميره على مرورك الرائع
شاكرا لك تزيينك الصفحه بالنجوم الخمس
وكلك ذوووق