صحيح ان غبتك صعبه ولكن قوي عزوم
أنا مادمعت عيني . ولا أذكر بكيت بيوم
مهو من قلة إحساسي. ولكني أنا رجال
إذا قمت أكشف أوجاعي وأغرّق بالدموع كموم
أجل مو ناقص إلا إني أبدل غترتي بالشّال
أنا مهما وصل فيني وجاني من زماني هموم
أبطّ .. عيوني لوتدمع ولا ورّيها للعذّال
صحيح إن غيبتك صعبه ولكني قوي عزوم
أموت ولا أشوف الدمع من بين النواظر سال
ياغايب لاتحسبني عقب فرقاك أعاف النوم
ترى قد غابوا أبرك منك ولا لقيت يمهم بال
ولكن عندي لك كلمة .ومنت بكلمتي ملزوم
وإذا مالك عليها نفس .هي كلمة وتبي تنقال
ترى كل من يعاندني . تصير نهايته مهزووم
وأنا أحمد ربي يومنّه يوفقني على ال***************
وأنا أدري أنك بترجع .وعينك بالتراب تحووم
وتطلب مني أغفر لك وتصفى قلوبنا بالحال
ولكن نفسي لا طابت تأكد مايفيد اللووم
أبيع اللي يبط كبدي وأسكر باب هالموّال
أنا من فتحت عيني على الدنيا وأنا مفطووم
على الرفعه وعلى العزه وعلى همّه تهد جبال
وأنا مترسب بدمي بعض عادات ويّا سلووم
وعزة نفسي تمنعني أخاوي واحدٍ محتال
أنا من يضبط سلوكه ويسمع كل كلامي دووم
أحطّه داخل عيوني ولو حتى زماني مال
أنا بقولها كلمة في معنى واضح ومفهووم
وأبوضح لك المعنى وأبيها توصلك بالحال
إذا ماجيتني تبكي وعينك بالتراب تحووم
ترى يحرم على إني ماعاد ألبس جميع عقال
رد مع اقتباس