خلك مع الرحمن وابعد عن ابــــــليس
واللي مع الرحمـن علمه ضماني
العلم ينفع بالعقـــــــــــــــــول المقابيس
اللــــي لهم بالعرف احلى مجاني
لولا الفتايل ماتشــــــــــــــــب الفوانيس
ولابــــــــان نور في علو المباني
ولولا الطبــــــــــيعه ماتبين التضاريس
ولاشفت بها الدنيا علو وطـــاني
العلم مايصلح بالـــــــــعقول المفـــاليس
اللي تمد العشر دايم ثمــــــــــاني
اهل العقول الناقصـــــــــه والوساويس
زراعة الفتــــنه بقاصـــــي وداني
راع الردا محروم مايفتـــــــــــح الكيس
يرتاع قلبــــــــه من زكاة رمضاني
والذيــــب دايم صيدته بالغطــــــــــاليس
دايم يصيد وصيدته بالــــــــسـماني
وانـــا كسبت المعرفه والنواميس
من لابة بالطــــــــــيب باعلى مكاني
واللي لهم بالشعر احـــــلى قوامــــــيس
ويلبسون القـــــاف زين المعـــــــاني
لاذعذع الغربي تزين النســـــــــــــانيس
واعيش انـــا في جــــوها جو ثـــاني
هذا الكـــــــــــلام اللي لفت به هواجيس
وهذا الكلام اللي نطق به لســــــــاني
رد مع اقتباس