لا تنتظر شوق
ياويل قلب بالهوى صار غدار
خسران في دنياه والهم طاويه
...
يا ناسي الماضي ترى الوقت دوار
لابد في يوم تحدك لياليه
...
تهدم جدار الحب وتصير محتار
ما عاد تقدر ياخوي الوقت تبنيه
...
طبعك غريب ودوم مهزوز الافكار
حتى شعور الحب تجهل معانيه
...
يكفي أنا قلبي عليه الزمن جار
ماجيت له مره تسأل وتراعيه
...
لاتنتظر شوق ولاحب وأزهار
قلبي نسى حبك ولا عاد يطريه
...
يا ما صبرت وكنت في وجه الاخطار
لين الصبر أعلن جفاه وتخليه
...
إنسى غرامي ورح من غير أعذار
مل الهوى من كل عذر ومشاريه
...
ما كان قلبي عاشقك يوم إختار
لكن حداني هالزمان وخطاويه
...
وماعاد أنا بكتب قصايد وأشعار
دام الذي مثلك حرام الشعر فيه
رد مع اقتباس
