نظرة هنوف في مفاتن زينها هيبة ملك = تسحب مزايين العذارى في طرفها حاشيه

نجمه مكانتها تحير من درس علم الفلك = كيف النجوم تصير في شهب الصحاري ماشيه



النجمه اللي لو يغيب البدر والليل يحلك = تطلع قمر ويش القمر ؟ صارت مكانه ناشيه

يحيى جميع اللي يعشق الزين دونك ويهلك = حتى الجبان ابن الجبان ان شاف زينك هاشيه



كيف الشجيع اللي وصٌلك بالهوى في منزلك = راسه صعيب من العذارى والضعاف يناشيه

كم درب اخطر من منايا الموت لعيونك سلك = وان حدتك جور الليالي ماهويتي! لاشيـــــــه



همك على بابور عشقي للمواني يوصلك = حتى تقر العين في نوم السعاده غاشـــــــــــــيه

يامذهله لك فارس فعله يسر ويذهــــــلك = مثل الجبل . لا والجبل! يمكن معه ينداشيــــــــه



يرسي على صعب المواقف مايمل ويفتلك = تحتار ابه روس الرجال وهرج ناس واشيـــــه

فعله ينومس يالملاك الادمي منك والك = هذا بعض مادار من حبك بوسط الجاشيـــــــــــه



ازعل جميع الناس لكن ماتحملت زعلك = مادام لك قلب بياضه مثل لون الشاشيـــــــــــــه

حتى ختمت احلى قصيدي في عبارة مااجملك = يا(.......) لاناديت بااسمك كل راسي شاشـــيه



وانتي هنوف في مفاتن زينها هيبة ملك = تسحب مزايين العذارى في طرفها حــــــــــاشيه