حتى خيالي مالقى منك تفسير

[نوارة الكون]

حتى خيالي مالقى منك تفسير





حتى الجروح لاشك ما هي سويّه
دام افترقنا يالله عسى خير
ما كل مكتوب علينا بليّه
ما كان ودي تجرح القلب وتسير
ولا كان ظني تقتل الحلم فيّه
كثرة صدودك والبعد والمعاذير
ما عاد خلت للسوالف بقيّه
ياما عطيتك من صباحي تباشير
وأخلصت لك بالقلب حب ونيّه
كان اعتقادي لو حصل يوم تقصير
تبقى مشاعرك الوفية وفيّه
واللي طلبته قلت لك تم ويصير
ما كنت داري إن موتي بيديّة
صدق المشاعر صابه اليوم تغيير
كل شي تغير فيك والله عليّه
دايم أدور للهجر منك تبرير
وأقول يمكن جاك منّي خطيّه
حتى خيالي مالقى فيك تفسير
أروح وارجع باليدين الخليّه
رفعت قدرك وارتضيتك عن الغير
فيما مضى كنت بزماني هديّة
واليوم ردي مايبي منك تفكير
هو باقي أردى من حياتي الشقيّة

[مجنونك ما يخونك]

[ابوقيس99]

روعه نص حلو يسلمو

[أميرة الروح]

نص وأختيار رائع جداً
يعطيك العافيه عالانتقاء المميز
بارك الله فيك
(يستحق أن يتوج بالنجوم )

[نوارة الكون]

اسعدني مرورج اختي
دمتي في حفظ الرحمن

[نوارة الكون]

روعه نص حلو يسلمو

اسعدني مرورك اخوي
دمت في حفظ الرحمن

[نورمان]

صدق المشاعر صابه اليوم تغيير
كل شي تغير فيك والله عليّه

اختيار جميل وكلمات رائعه
سلم ذوقك الراقي

[اطياف السراب]

اختيار موفق ابدعتي

شكراً جزيلا لك

[رايق البال]

هلا نواره ..
نص واختيار جدا رائع كما تعودنا منك
الف شكر لجهدك وتفاعلك الجميل
طابت مساءاتك ..

[نوارة الكون]

صدق المشاعر صابه اليوم تغيير
كل شي تغير فيك والله عليّه

اختيار جميل وكلمات رائعه
سلم ذوقك الراقي

كل الشكر ع المرور