تغطرس وانا احلفلك علي الحرام اليوم
ابنزف حروف الــشعـر لك غـيـر عـاديـه

ترى الصقر لو يكسر مداهيل عقب الحوم
لصيده ثمينه مب هي بـطـلــق مــدمـيـه

واذا صيدته كـانت مـصـابـه عليه يشوم
تعز نــفــسه الـحـره عــن عـلـوم دونـيـه

يابو فلان كانك ضــد للـشـعـر رد عـلـوم
وانا املك معي م الجن سفلى و عـلـويه

اشبه شعوري صقر له مخلبن مـسـمــوم
عشانك كتبت الشعر بحروف سـطحـيـه

ولو ابغي اتعمق بشعـري عـزمت نـجـوم
ترى القاف بحسابي يساوي عـــدد مـيـه

وانا فذمتي صادق إذا قـلـت لك زيـزوم
هزمت الآمـس سـتـيـن بسيوف هـنـديه

مـعـي آسراً سته بعد غـارتـــي للـــقــوم
وشرد باقي الميتين من فـعـــلـة ايـديـه

وانا قاتلٍ خمسه برغم اني الــمـظـلــوم
على يميني البتار وباليـسـرى جـنبــيـــه

ولو البحر حيتان ابد ما اهـاب الـعـــوم
وفي مجابه الأعصار تـلبــسـنـي جـنـيـه

اهيم البراري وآاا تنفس شذى يـشـمـوم
ومن شرقي القهون والــرمــل غـربــيـه

ابقنب قنيب الـذيب حتى وانا مهــمـوم
ولا صيد غير اللي صحيـحه وطـبـيعـيه

تغطرس مدام الشعر قاصد جـداك الـيوم
تقفر ترى حـــروفه صــدق غـيــر عــاديه

أحمد المعمري فلك