السلام عليكم ورحمة الله وبركاته
اخباركم يا حلوين ويا حلوات
اليوم الشايب عيون جايب لكم سالفه جديده، وباغنكم تعطوني رايكم، وتخبروني انتو في بيوتكم هالشي موجود والا لا.
القصه عن خلفان و زوجته سالمه،
سالمه زوجة خلفان معها سبعة اولاد، وخلفان فقير وعلى قد الحال،
يمد رجوله على قد لحافه، و سالمه صابره ولامر الله ونصيبها متقبله.
ما معها شغاله، وتهيس وتنظف و تطبخ و تربي عيالها، وجاها شهر رمضان،
اليهال باغين ريوق لان اغلبهم صغار وما يصوموا، وباغين غدا او اقل شي حاجه ياكلوها، وباغين فطور وغدا وعشاء وسحور، وباغين عصير وباغين شوربه وحلويات والملابس تبي تغسيل، ومعجنات وسمبوسه و و وووووووو، الخ. ( احبها الخ تختصر الكلام).
وسالمه ما مقصره طول اليوم في البيت كما الاعصار،
الغم الاكبر خلفان.
قبل الاذان نزل من عرشه ( الكرفاية) وجلس على سفرة الافطار، الناس تقول دعاء والا كلمه طيبه.
هوه نظر لسالمه بصوره مشمئزة وقال( هذا بس اللي مسوتنه سلاموووه).
سلاموووه عورها فوادها، لانها فقيره توها مخلصه شغلها وحتى ما سابحه، ولا مواحيه ترتاح، ومن الحر حالتها حاله،
وخلفان جاي ينتقدها ويضايقها، وهيه طول اليوم عشانه وعشان خاطر عياله تشتغل.
البطن يبطنك يا خلفان
ظاهرة موجوده كثير، في مجتمعاتنا، ولو تختلف التعابير، بس ترى موجودين هالناس،
انتو كيف الوضع معكم
رمضان كريم
رد مع اقتباس