تقدمت سيدة في مصر بدعوى طلاق ضد زوجها الذي قالت عنه أنه أخذ يعذبها ويضربها حتى فقدت عينها، وذلك بعدما طالبته أن يقلع عن إدمان المخدرات.
وقالت الزوجة في شكواها: " عرفت إن جوزي مدمن، واجهته وطلبت من يبطل عشان صحته، رفض وضربني ورماني لأهله، وهما كانوا بيشتموني ويضربوني ليل ونهار، وبيتحكموا فى كل حاجة فى حياتي " .
وتابعت: " يومين حبسني فيهم وبيضرب فيا ليل ونهار، اتصلت بأهلي يلحقوني، أبوه وقف على باب البيت ومنع أهلي يدخلوا البيت وقالهم خليه يربيها، وكل ده عشان نصحته لمصلحته ومصلحة صحته، بس هو مسمعش مني، وضربني لحد ما شبكية عيني باظت " .
واستطردت في سرد قصتها: " فضل حابسنى يومين ونازل فيا ضرب، ولما نزفت من راسي وعيني أهله نقولني المستشفي، وخافوا أموت، وقالوا كنت بنضف الشقة فوقعت، بس اللي حصل إني مموتش كان أفظع، مبقتش أشوف، وبالرغم من كل ده ساومني أتنازل عن حقي ودهبي مقابل الطلاق، فمكنش قدامي غير محكمة الأسرة " .
رد مع اقتباس