من اللي يأخذ الأشياء ويعطي لليتيم حقوق

[أحمد المعمري فلك]

ولوج


من اللي ياخذ الأشياء ويعطي لليتيم حقوق
مسافات الدروب المـبعـده مـاهـي تـكـفـيـنـي


أنا من يوم ما تغربت بعضـي ياالمـلا مسروق
من يرجع لي أشيائي وحقه يـقـطـع يـديـنـي


كل ما في السالفة..


ابغي تكوني..


شي راقي في عيوني..


قلت اقطف لك من ثمار المحبه شوب واحد..


ايوه واحد..


كيف لو قدمت لك..


من سلتي ..


عشرين نوع..


وجبت من فوق السماء..


نجمه..


وشبيت الشموع..


انتي صوتك،في غيابك..


حاضرٍ لو ما سمعته..


انتي دمعٍ في عيوني..


للأسف بس ما دمعته..


تعرفي معنى الضغينة؟!


في قلوب الحب ما تلقى مدينة!!


كل مافي السالفة أني أحبك..


وابغي أشوفك شي أكبر..


ولا تحاتي غير ربك..




سفر..
ناظري الأيام لما تـعـجن الـغـربة وتـخـبـز
والرغيف الداكن اللي أقسمه بينك وبيني


من خلقني ربي ما اشمت على خلقه وانبز
يوم صوت الحق يصدح يالغريبة تعرفيني




أحمد المعمري فلك