قصيدة : دُرّةُالوَفَاءِوَنَبْضُ القَوَافِي
رد مع اقتباس
والنعم فيكم جميعاالمشاركة الأصلية كتبت بواسطة حمدفهد
. <{ يــوم أبعــد ليـــالينا }> .
يا ليت وقت الوصل ما يعرف الفوت
ويا ليت درب الشوق يجمع خطاوينا
إن كان للغـــالي بقــلـبي بــــــــــيوت
ما هـان عنــــدي يــوم أبعــد ليـــالينا
أشتاق له والشوق في صـدري يفوت
وأخـفي حنيني والعيون تفضح فـينا
قبــل النـدم وقبــل ما يفـوت الفـوت
خــلّوا المـحـبة تجــمع القلب فـــــينا
الشاعرة / سمر احمد
===================
رد الشاعر/ حمد بن فهد المخالده السبيعي:-
. <{ مايفهمه إلا الله }> .
غصبٍ علي لمن رفعت الصوت
كــود ألقى من يفــهم حـكاوينا
بالحـلال حسنٍ ودلال وياقـوت
منها القمر يغـار والشمس تدينا
وين اللي تبـادل الحب بسكوت
تحـس بالقلب الضامي وتروينا
مجـروح روحي كاد إنه يمـوت
تمر الليالي ما نلقى من يداوينا
آهٍ قـطع الوصل سـمٍ في قـوت
نحمداللهمـن مــوته ينجـــينا
ألا يا باغـي الوصـل فينا فـوت
ترى القلب مفــتوح لمنه يبــينا
يا من تظن الحب لعبة ريمـوت
اسأل عن اللي راح من ماضينا
واسأل سمر عندها سـر البيوت
أبياتـها الشـعر أحـيانٍ توافــينا
والغامض كتب في وسط نوت
ما يفهمه إلا الله عالم خفـاوينا
الشاعر/ حمد بن فهد المخالده السبيعي
===================
رد الشاعرة/ سليدا :-
. <{ شعرٌ يسكن القلوب }> .
أبيـــات شـــــعرٍ من صمــيم المعــاني
أبدعت في نظمٍ على الطيب قد جُلت
وصـغـت المشــاعر بين حــرفٍ وثاني
شــعرٍ يلامـس خـاطر القـلب لا هــلت
أنواره، ويحــيي مـن قــديم الأمــاني
ما كــل شــاعـــر له معــانيه تنـقــــال
ولا كــل بيـــتٍ يستــحــق الثــمـــاني
لكن قصــيدك في مقــامـه له أفعـــال
يشــهد له الإحســاس قــبل المبـــاني
أشــكرك من قلبٍ على الطيب ميّـــال
فـشـعــــــرك لـلـوفــا دوم منـــــــــزال
والطيب في مثلك له أصــدق عناوين
دامــت لك القــافــية ودام لك البـــال
ودام الإبـــداع يزهــــو فــــي دواوين
وأشـــهد بأن اللي كـتبـته له مـــجــال
يســكن قــلوب الناس جيلٍ بعد جـيلٍ
صـــح لسـانــك عــد ما لاح الهـــــلال
وعــد ما هــــبّت على نجـدٍ نسـامــين
الشاعرة / سليدا
====================
رد الشاعر/ حمد بن فهد المخالده السبيعي:
. <{ ردّ*الوفا*على أهل*الوفا*}> .
ثنائك لي حـرّك مشــاعر ونطــق لسـاني
أشـكرك أخـتي سليدا منـكِ المــدح نلت
مـدركة الإحسـاس وفاهمة علم البيـاني
منـكِ الطـيب طاب ومقـصّـر مهـما قـلت
جـاني من نفسٍ طيّبة كأنها مثلي تعاني
ردٍّ جميلٍ لو أقراه مليون نفسي ما ملّت
يفــوح شـذاه ويطاول عاليـات المبــاني
ردٍّ به نتبــاهى يحـفر على القلب ما زال
تنسـج الحروف من ذهب غالي الأثماني
وهـذي شـهادة أختٍ عـزيزةٍ عـال العـال
أشـكرك شـكرٍ يعـجـز عـدّه عـدّ الأميــال
تسـتاهلينه وفـا بالطـيب عـليـكِ ينهــال
قـلبٍ حسـاسٍ لأجـلك فـداه عمٍّ وخــال
يا منبع الطيب كل الطيب فيـكِ تداوين
يزيل آلامٍ قد قيـل علاجـها صـار محـال
وردّك بلسـم جــروح رجــالٍ ونســـاوين
داعٍ الله يرفع شأنك رب العزة والجـلال
وصفة من رأى النور عن الحق ما يميـل
صـحّ بـدنك يا شـاعرة الحـسـن والدلال
عــدّ مـن صـلّى لله قاعــدين وقايـمــين
الشاعر/ حمد بن فهد المخالده السبيعي
====================
رد الشاعرة / سمر احمد :-
يا حمد يا صاحب الحرف الجزيل والمعــاني
صـح لسـانك على أبيــاتٍ لها قــدر ومـقـــدار
حـــروفك وصـلت للقلب من غــــير استئذانِ
وزانت مـسـاحـات الوفـا بالطــيب والأنــــوار
ما قلت شــــعـرا عـــابرا يـــــمـــر بــثـــــواني
هـــذا كــلامٍ له فــــي داخـــل الروح تــــذكار
وشهادتك تاج أعتز به بــين أهلي وإخــواني
وســـــامٍ غـــالي ما تســـاويه كـــنوز وديـــار
وإن كان ردي ما يوفــي جـمــيلك يا حــمـــد
يكـفيــني إني أقــول: الله يرفــع لك مقـــدار
لك مــن خــالص الود والـتـقـــــدير عنـــواني
ولحرفك كل الاحترام وكل الإعجاب والإكبار
دام نبضـك شـاعر، ودام حـرفــك له مـــــكانِ
ودامت لنا هالروح الطيبة وحضورها المدرار
الشاعرة/ سمر احمد
====================
. <{ عقد الوفا بين الحروف }> .
يا سمر ردك الجميل سـرني حين لفاني
رد قصيدتك ينقش على كريم الأحجار
حـروفها عقد لؤلؤ ومصباح نور مـكاني
اشكرك شكرا جزيلا عد أوراق الأشجار
تسلم لنا روح الطاهرة على مر الأزمانِ
بنت احمد والنعــم اليا ذكـروا الأطهــار
شهـادة العـز نلتيهــا من صـادق البياني
تستاهلينها عـز وفخـر لنـا ولكم تــذكار
ردك يالوافية وافي وهيــض اشجــاني
أحييك شاعرة مقتدره ورفيعة المقدار
ماهرة في نظم القصيد ورسم المعـاني
سهلة وعذبة تجــري مثل جـري الأنهـار
لله درك أصيلة دام نبضك ودر القيفاني
عسى أيامـك ولياليك كلها فـرح وأنوار
الشاعر/ حمد بن فهد المخالده السبيعي
=======================
رد الشاعرة/ سمر احمد :-
. <{ صــاحب الحــرف الرفيــع }> .
يا حمد يا صــاحب الحــرف الرفيــع ومعـــانيه
صح لسانك عد ما هب النسـيم على الأغصــان
حـــروفك لا وصــلت للقــلب ما نقــدر نخفــيه
تجي مثل المطر وتروي من الإحساس عطشان
وإن قــلـت إن الرد عـقِـــــدٍ مـــــن لؤلؤٍ فـــــيه
فحــرفـك كان لي فـي درب القصــيد عنــــوان
أنا مـا كــتـبــت إلا شــــعــورٍ صـــادقٍ أنـــــويه
ولا قـلت إلا كـــلامٍ مـــن فــــؤادي له مــــــكان
وشـــــهادتــك أعـــتز بها، والطــيب ما أنســــاه
وأعــــدها مــن جمـــــيل القــــول والإحســــان
ومن شــــاعر له في ســـاحة الشــعر أســــلوبه
وله بــين أهـــل القــــافـية قـــــدرٍ وعـنـــــوان
المســـاجلة بيننـا ما هـي سـوى حـرفٍ نحيــيه
نرد البيــت بالبيــت، ونــتـــرك للوفـا ميـــــدان
فإن أصــبت فـــذاك مــن فضــل ربي أرجــــوه
وإن خــانني حــرفي، يكفيني صدق الوجــدان
لك الشـــكـر والتقــــدير على طــيب ما قـــلـته
وعلى حــضـورك الذي يــــزدان بـه كل مــــكان
دام الشـــعــر فينــا حــي، ودامــت قــــوافـــيه
تجمـــع قلوب أهل الحرف على الود والإحسان
الشاعرة / سمر احمد
======================
رد الشاعر /حمد بن فهد المخالده السبيعي:-
. <{ دُرّةُالوَفَاءِوَنَبْضُ القَوَافِي }> .
يا سـمـر يا بنت اللي طيبــات مجــانـيه
صح بدنك عــد ذرات ما يعــدها الوزان
حـروفك المـاس وما كل تاجـر يشـتريه
وفـرحـة فقــيرٍ إن لَقـاها يسعـد إنسـان
من فضل الله لمن كتبنا الحـرف نحميه
يسعدنا اليا صار حـرفنا للطيبين عنوان
نيتك صـافيه ومنها عقـد اللآلي نسـويه
يسلم فؤادك وروحك يا أخت كحـيـلان
ما قلنا إلا الصـدق وهـذا قليـل سـويناه
فرحـتي من فرحــتك يحفظـك الرحمن
هـذه شهـادة منـكِ يا أختي المحـبــوبة
نفتخر ونعتز بها في القلب لا الحـيطان
المساجلة تبقـى ذكـرى ودرس للي يبيه
فيهـا النصـح والحـكم ومــودة الخــلان
والنعــم منــك صـايـبة في كل الوجــوه
ما يخونك الحرف اقولها صدق وعرفان
يالطيبة الشـكر لله ثم منـك الشـكر نلته
عسى ربي يرزقـك العـلم وحسن البيان
والنعـم بالشـعر لا دام وطـابت معــانـيه
وطابت أهـل الشـعر بمدح ذرب الإيمان
الشاعر/ حمد بن فهد المخالده السبيعي
استمتعنا بنصوصكم وكلماتكم الرائعة
سلمت اقلامكم وصح لسانكم
