حزن ٍ غشاك وتنظر لـ درفة الباب ؟
..........كني عرفت إنك ماعاد أنت راجع
،
شفت فيصل ؟ في غيابك كيف غادي ؟
............. من يدين الهم ، لـ يدين الغبينه !
مايحسّ بـ وحدته ! ، مركون ، هادي !
............ مايحسّ بـ وحدته غير المدينه !
شاعر ٍ عادي ، وحزنه ؟ ماهو عادي
........... لاكتب طاح العمر ، قدّام عينه ! /
من غيوم الحزن ، تورق غصون السهاد
لين من حزني المتـرف يطيـح النـدى
أكتبـك وأن كتبتـك ؟ مايخـون المـداد
دام حزني ربى بيـن الضلـوع وهَـدى
لو تهيجن معاليقي بـصـوت الفـؤاد ؟
مابقى يا يبـه فرحـه تشـعّ المـدى !
يايبه ، كل مامدّيـت شوفـي / سـواد !
وإن سبرت الطريق أصبح بليّـا هُـدى !
كنـت طيـر ٍ تـحـرّى طلعـتـه للهداد
غبت وآنكسرت إجنحتي وحلمـي غـدى
كل ماخضرّ عودي ؟ داهمتـه الجـراد ؟
وين ابلقى لعودي فـي غيابـك جـدى !
من يرد إلـخفوقي ضحكتيـن ٍ جـداد !
لا غشت نفسي العبره ودمعـي بـدى !؟
من يمد الصباح إن طال ليـل الهجـاد !
من يحيك الصبر لـحزن عاري / ر ِدى !
كم سؤال ٍ جرحنـي مالقيـت الضمـاد !
ضجّ صوت اليتيم ومـا لقالـه صـدى !
ماحكى عن حديث الجمر غيـر الرمـاد
وإن ترمدّت ؟ من حزني ماهو من ردى !
أجمـل العمـر طفلـن مابكـى فالعيـاد
وآغبر العمر ، عمرٍ فـي غيابـك بـدى
،
آزرق الدمع بي فاض وغَدَق
... وآشهب الحزن صلاّبي وصام !
مابقى ضلع ، مامرّه مِدَق !
... إنشد القلب عن صوت العظام !
تايهن بين دمعي والحَدَق !
... بين / هالعابرين بهالزحام !
يايبه وآصعب الشعر الصدق!
... كيف آبرثيك في حفنة كلام ؟
هبّ فيني جنوب الحزن ، والصبر مال
.............. لين سحب المدامع هلّ هتانها
كنّي إليا خذلني دمع عيني وسال ؟
......... شجرةٍ مالها القدرة على آغصانها !/
راكد ، وأربكني سؤالك ، عن الحال
.. .. مثل الحصا لاطاح في صفحه المـا
ياخوي ، وآقصى ضلع للحزن موّال
.. .. لاتحدّنـي خابـرك دمعـك بيهمـا
لو الكلام أبلغ من الدمع لاسـال ؟
.. .. ماسولفت لك دمعة بـعين بكمـا !
يغنيك عن كل الحكي دمـع رجـال
.. .. عاين وتلقاني على الجال وآظمـا
الحزن يكبـر كـل ماتكبـر آمـال
.. .. مثل الشجر ينبت بـعينـي وينمـا
تقبل جروح وأفتح القلـب مدهـال
.. .. دام القلوب البيض بالحزن تسمـا !
أكذب عليك إن قلت مستور وآختال
.. .. حالي غدى مع رمح الأيام مرما !
،
كبرت وصارت الضحكه تجي بـ مكابدات وويل !
...........سقا الله ضحكة ٍ ماتستحي من دمعة عيوني !
،
............. تجيك المصايب ؟ كنّها هلّة المسباح
........................ مَـ تلحق تهل الدمع في صدمتك لحظه ! /
آه لامرّني ودمـوع عينـي تـزارق
صوت أبوي وكفوف ٍ تهدي الحجرفيّه
يوسم الدمع فالخد البراح المطارق !
تبتدي بالحنايا صرخـةٍ سرمديّـه !
آغبر الوقت مايجبر عليك المفـارق
وآجمله ما حضن بسمتك بـظلال فيّه
طال ليل الحزن ؟ ياليل مالاح بارق ؟
يفتح إلـخافقي شبّاك فرحه نديّـه ؟
عقب طعم الفرح مابين مثمر ووارق
ذقت طعم الهجير المرّ والمهمهيّـه !
ضمّ ياليل طفلٍ بأزرق الدمع غـارق
طفل كنه بدونه / لاوطن ، لا هويّه !
،
قسم بالله ، يا في غيبتك ، تهت بـ دموعي لين /
........عجزت آجابه إجيوش الحزن يابوي بـ لحالي !
لك الله من رحلت بعمري اللي ماوصل عشرين؟
..............كأني شبت فجأه والعمر مامرّ في بالي !
،
ياللي معي ، مابين نفسي وآرتّبك
.........حزن ٍ معتّق ، بين قلبي وعيني
ياولله إن آكتبك ، وآكتبك ، وآكتبك
.........شعرٍ يوطّن غربة الروح فيني ! /
سجين الهـم جـلاّدي سـواد ٍ طاغـي ٍ بالجـور
............ متى يالصبح تعتقنـي وتاخذنـي مـن إيدينـي ؟
تعبت ، أتصنّع الفرحه وأنا فـي داخلـي مكسـور
............. وآنا آسرق من يدين الوقت ضحكـه ماتهنّينـي !
على الضحك الحزن كاني ضحكت بـخاطرٍ مسرور
............. ياكم من ضحكتي ثارت دموعي في طرف عيني !
زهابي دمعتين ووجه أبـوي وحزنـي المستـور
.............. على وجهي ومدري ويـن وجهـي يامودينـي !
أفتش عن بقايـاه ابخفوقـي ضحكتيـن ونـور !
.............. وأخبيّهـا لباكـر ، ميـر بـاكـر مايعزّيـنـي !
يمرّ الذاكره فـي غفلتـي وأستدركـه مبهـور !/
.............. يبه ! ، يرجع صداي وتبهت بوجهـي تلاوينـي !
أشوفه يبتسم لي فـي زوايـا الذاكـره والـدور
.............. وإلى مني عبرت لواقعـي ، زاد البلـل طينـي !
تعثّر في زوايـا عبرتـي لـه صوتـي المبتـور
.............. إلين إجتمعت إغيوم المدامـع وأبرقـت عينـي !
قـدم عينـي خـذوه وغسّلـوه ومـرّه الكافـور
.............. وقفـت وماقـدرت الا أمـش الدمـع بيمينـي !
فقدته ، كثر ماآسـج بسواليفـه وأنـا مخطـور!
............... كثـر ماآنـادي بإسمـه ولا صـوت ٍ ينادينـي !
فقدته ، كثـر مانـي فاقـدن يـد ٍ تمـد الشـور
............... كثر ماضعت بـغيابه وصحت بـغيبتـه وينـي !
تعبت آزرع من آيام العمر فآرض ٍ خراب ٍ بـور
............... تعبت ، آسـج رجـل لـكـل درب ٍ مايودينـي !
يبه، ماعادني ذاك الضحوك ، اللي يمـدّ النـور !
................ ذبل كل الفرح وأورق نبـات الهـم بـسنينـي !
،
تو مابدت ، إتموت في صدري آسراب !
.......... توّ الحزن هيجن بـ طرق المواجع !
لا صرت أنا توأم مع الحزْن لاغاب ؟
............. من هو يفرّق بيننا بالمضاجع ؟
فيصل الجميلي الحربي،
رد مع اقتباس
المشاركة الأصلية كتبت بواسطة نوارة الكون
