تــقــدم الـدنـيــا لــنــا درس(ن) جــديـــد بــكـــل يـــــوم

[رايق البال]

يسعد صباحكم / مساكم
هلا بالجميع ..
ولقاء آخر متجدد يجمعني بكم احبتي واتمنى ماراق لي يروق لكم ...


تــقــدم الـدنـيــا لــنــا درس(ن) جــديـــد بــكـــل يـــــوم
والنـاس تسلـم مـن غثـا الدنيـا بحفـظ دروسهـا
وعلـى حسـب حـفـظ المواجـيـب وتعالـيـم السـلـوم
نـعــرف مـقـاسـات الـبـشــر بالـمـرجـلـه ونـقـوسـهـا
صيـت الـرجـال الوافـيّـه بأفعالـهـا .. ولا الـرخـوم
ينـبـيـك عـنـهـا : قـــل نفعـتـهـا وشــيــن نـفـوسـهـا
تـطــرد ورى الـدنـيـا وتـكـشـخ بالـمـواتـر والـهــدوم
مثـل ( الحريـم ) أغـلـب دراهمـهـا عـلـى ملبوسـهـا
والإمـّعــه والـشـايـب الـكــذّاب وضـعـيـف الـعــزوم
نــاس(ن) مــع العـالـم بــلا هيـبـه تـدربـي روسـهـا
والبـخـل : خـلاّنـه بـهـايـم !! لا تـســام ولا تـســوم
لا شفـتـهـا تـرفــع يـــدك حـمــد وشـكــر وتبـوسـهـا
علـى الصحـن هـم أول الجـلاّس وآخـر مــن يـقـوم
يعـيّـفـك حـلــو الاكـــل والـشــرب طـــول جلـوسـهـا
مـاهـيـب لـلــلازم ســنــد ولا ذخــــر عــنــد الــلــزوم
تــمـــوت مــاســـرّك مـهـايـطـهـا وكــثـــر فـلـوسـهــا
وسوالف الخبلان .. رفعة ضغـط وصـداع وهمـوم
فــــلاوة(ن) تـخــطّــف عــلـــوم الــعـــرب وتـحـوسـهــا
واجب عليـك إليـا حكـت عـن جملـة حكاهـا تشـوم
الهـنـد مــا يـــرأس حكومـتـهـا ســـوى هنـدوسـهـا
وربـــع المـصـالـح والمـجـامـل خـــوة(ن) مـاهـيـب دوم
اقـولــهــا والـتـجـربــه قــطـــع وريـــــدي مـوســهــا
وقت الرخا .. مثل الصقور اللي على المرقب تحوم
فــيّ(ن) يـــذّري سـاقــك الـرمـضـا وحـــرّ شمـوسـهـا
وإليا احتمت صكّات بقعـا وامسـت علومـك علـوم
اتـلــوّي خشـشـهـا وتـجـحــد خــوّتــك وتـدوسـهــا
من عقـب مـا انـت الطيّـب وقـدرك معـزّز ومحشـوم
تـصـيــر اردى مــــا خــلــق ربــــي ودم ضـروسـهــا
أبعـد عـن الأشكـال ذي .. بعـد الثـرى عـن النجـوم
وش حاجتـك فـي قـرب رديــان الـعـرب ونجوسـهـا
ماهوب عيب إليا عزموك تقول يالربع .. معـزوم
الـعـيـب : لارحـــت لعـزايـمـهـا وجــيــت عـروسـهــا
وخـلّــك فـطـيـن تعـلّـمـك دنـيــاك درس بـكــل يــــوم
والرجـل يسلـم مـن غثـا الدنيـا بحفـظ دروسـهـا

اخوكم / رايق البال

[أمآني!]

آلله عليك آلله
آنتقآء رآئعع جدآ '

[نـــــــقــــــــاء]

إنتقاء رائع ومميز
تسلم الأيادي

[ميره العامري]

انتقااء جدا جميل تسلم ايدك

[سحابة ممطرة]

كالعاااادة انتقاء ولا اروع
يعطيك العااااافية استاذي

[ضحية غرامك]

الله الله ...
.. يعطيك العافيه رايق

بصراحه دايم مبدع

[رايق البال]

آلله عليك آلله
آنتقآء رآئعع جدآ '

همس
تسلمي والله
الف شكر لمرورك وتعليقك اللي اسعدني .. كل الود لك مني

[عمانية الهوى والهوية]

كلام راقي جدا
المشكلة مافي حد يتعلم من الدنيا ودروسها الا القليل القليل
تسلم على الطرح المتميز

[المحبه للخير]

أختيار جميل جدااااا
تسلم يمينك استاذناا

[عملاق الشعر]

رايق البال


نص في قمة الجمال
وكلمات تلامس الواقع
رااقت لي


سلمت يداك المبدعة وذوقك الاكثر من راقي