واشيب عين اللي من الشوق ضامي
اقفى عشيره : والمواجع لًفنه

خلاه مابين الولع والهيامي
يون من زود الغلا : الف ونه

وعزي لحال : اللي على الضيق نامي
من بعد ماوبل الدموع اسهرنه

لا الوقت : صفق له ولا الحظ قامي
ولا جاته الدنيا : على حسب ضنه

مثلي : وانا اللي ماشلني عظامي
من عقب ذاك اللي عيوني يبنه

روح وخلآني : ضحية غرامي
ودموع عيني من غلاه الحقنه

ويلي عليه : اغليه وله حول عامي
لا شال جواله : ولآ رن رنه

مدري زمآنه مبعده : ياحزامي
ولا ضروفه عن غلاي ابعدنه

ياطير : ياللي عانقتك الغمامي
ولك في وسط خضر البساتين جنه

وصل كلامي : للذي له كلآمي
وهات الخبر لاجيت ياطير منه

قله بعد : رد التحا والسلآمي
يقول من منك (الدموع) احرقنه

ان كان بعدك عن عيوني لآزآمي
مجبور : شوقي وسط صدري اكنه

وان كان من دونه : رجا ياغرامي
لآتقطع وصالي : ترى الوصل سنه