ياقصير الود والدنيا حسافه
وش بتاخذ مامعك غير الحسايف
ولو حسبنا للتعب والا الكلافه
ما تقفٌـي عنٌي الا وانت عايف
كل حلمن ٍ طاف قدامي وطافه
قلبكـ*اللي*من ورى الحدب الرهايف
ماعرفـته وش سمانه من عجافة
وانته ادرى في عيوني وانت شايف
كيف ارد الدمع لا عدى ظفافه
وكيف اهونها وهي ماهي خفايف
يشهد الله مانسيتك والمسافه
آتنشد عنك في ابها المصايف
كل غيمة ياذعا ذيع اللطافة
مالمحتوا في سماكم نوف نايف
لين هب البرد في صدري ولافه
وشب من جمر الغضى فرقا ولايف
ياوجود اللي كتب فيك اعترافه
بيت شعر وحسره لبيض الصحايف
والسؤال وفاءه وياءه وكافه
كيف رحت وعقبها صمت الشفايف
ويش جابك ياترى الوقت وجفافه .؟
او انها ذكرى او انك صرت خايف
رد مع اقتباس
