تـِجي نرسم لـِنا من غيمنا جِنْحان
نـِحلـّق بالفضا بِجْنون يـِنـْسينا
تـِجي تـَكتِب على جَفْني أنا ولهان
وأكـْتِب يالمطـَر مازلْت تـَعنيـنا
تجي أنساك ..؟
أبي أنساك لو نسيان
ولو أنساكِ تـَبـْقى ريحتِك فينا
وأبقى لـَجْلك الميـعاد والمرسى
على ضفّة خفوقي قاربك يَرسى
واكون اشْراع والمِجداف والمينا
ولو تقسى
أكون الرّوح
وأضمّد خافق ٍ مـَجروح
تـَعال إسمع وَعـَد لو جَدّ يكفينا
قـَبـِل لا اروح
تعال اليوم حلمي طال ِ بي واعييت
وتبّت يدّ من خان العشير ابـْيوم
تعال َ أقسِم قسَم بالله بِك عنـّيت
على فرقاك زاد الهم كوم اهـْموم
وكمّ اهـْموم
و لـِه موّال
وإذا كـَل ّ الوعد يرضيني المقسوم
وتبي تدري ..؟
قبل لآقوم
أنا طفلة حنين و غالها التذكار
تـِزمّ اشْـفاهها واشواقـَها لـَمّك
خذاها الفقد بمهاد الألم له كار
يِروّضها قبل مـَ تـْحِنّ وتـْشمّك
تعال اليوم
تعال وشف على ايديها بقايا اوكار
طيور الحظ خانـَتها وجـَت يـَمّك
تبيك تحلّ عقدة هيمَنه وافـكار
وحال تـْضيق لامـِن عادها غمّك
بدمعـَة خوف تشهق بسمَله وانكار
تعال امسح على اوجانه طرف كمّك
من ما راق لي
رد مع اقتباس
المشاركة الأصلية كتبت بواسطة سحابة ممطرة
