وشلون ماتشتاق عيني لعينه

[حبي خالص]

ياويل قلبي كل مااشتقت لقياه
وشلون ماتشتاق عيني لعينه

أنا أدري إني حيل أحبه وأهواه
وأنا أدري إن القلب صار بيدينه

أموت أنا به في غيابه وأحياه
وشلون أجل لو صافحتني يمينه

حاولت أنا اكتم عبرتي يوم فرقاه
وألملم جروح الزمان الطعينه

واعطيه من قلب المعنّى معاناه
وآخذ من جروحه ولو هي دفينه

وأضيع به في زحمة الناس وأنساه
وأنسى معه ذكرى السنين وحنينه

لقيت نفسي كل ما حل طرياه
عروق قلبي كلها تقول وينه

يامر على قلبي ولا شك ينهاه
كلي أنا تحت الإشارة رهينة

ما كل من يضحك سعيد بدنياه
وما كل من يبكي دموعه حزينه

أحدن بكى .. والكل يدري عن بكاه
وحدن مع الضحكه تحس بونينه

ياشين فرقى الحب وياشين بلواه
والمشكلة دنيا بلا حب... شينه

والزين ما يكمل ولو كان ماحلاه
إلا حــــــــبيبي ماتغيّر بزينه

ماجيت أسولف عن حلاه ومزاياه
يكفي أحاسيسي وقلبي عارفينه

كن الفضا في غيبته ضاق مسعاه
وكـــــــني غريقٍ ينتظر له سفينه

شف دنيتي ياصاحبي عقب فرقاه
مثل الظلام اللي حصل بالمدينة

باكتبه أنا في صفحة الشعر واقراه
وباذبحه بزود الغلا دون سكينة

وبارسمَه في لوحة الشعر وانعاه
وبادفنَه بين الضلوع الحنينه

بوسط الحشا في داخل الصدر مثواه
إمـــا يســــار القلب وإلا يمينه

[روح الحلا1]

ذائقة جميلة
تسلمين حبي وربي يعطيك العافية.

[حبي خالص]

ذائقة جميلة
تسلمين حبي وربي يعطيك العافية.

يعافيك ربي روح
ألف شكر للمرور

[رايق البال]

هلا فيك حبي خالص ..
كالعاده لا جديد عليك هذا التميز والابداع
الف شكر لجهدك واختيارك الجميل .. كلك ذوووق
( نص يستحق النجوم الخمس)

[حبي خالص]

هلا فيك حبي خالص ..
كالعاده لا جديد عليك هذا التميز والابداع
الف شكر لجهدك واختيارك الجميل .. كلك ذوووق
( نص يستحق النجوم الخمس)

ما عليك زود استاذ
أسعدني وشرفني مرورك

[نوارة الكون]

يعطيج العافيه ع الاختيار الرائع

[حبي خالص]

يعطيج العافيه ع الاختيار الرائع

شكرا للمرور نواره

[زهرة الأحلام]

.
.



حبي ..
كلماآت جميلةة / ذوقٌ راآقي
أسعدكـ الرحمن ~

[حبي خالص]

.
.



حبي ..
كلماآت جميلةة / ذوقٌ راآقي
أسعدكـ الرحمن ~

شكرا لمرورك زهره